އަސްކޮއި ޓްރެވަލް ސާވިސަސް ޕްރައިވެޓް ލިމިޓެޑުން މީހުން އުމްރާއަށް ގެންދިއުމަށް ފައިސާ ނެގުމަށްފަހު އުމްރާއަށް ނުގެންދިޔަކަމަށްބުނާ މައްސަލަ ބަލަމުން އަންނަކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

އަސްކޮއި ގުރޫޕުން ވަނީ ރަމަޟާންމަހުގެ ފަހު ފަނަރަ އާއި ޝައްވާލްމަހުގެ ހަ ރޯދަ ހިމެނޭ ގޮތަށް އުމުރާއަށް ދާން އެތައް ބަޔަކު އަތުން ރުފިޔާ ނެގުމަށްފަހު، ޢުމްރާއަށް ނުގެންދެވޭނެކަން ފަހުން އަންގާފައިވާކަމަށާއި ރިފަންޑުވެސް ދީފައި ނުވާކަމަށް ބުނާ މައްސަލައެއް ވަނީ ފެންމަތިވެފައެވެ.

Ad by Hajj Corporation

މިކަމާ ގުޅޭގޮތުން ވަޒީރު މިއަދު ވިދާޅުވީ އަސްކޮއި ޖަމާޢާތުގެ މައްސަލަ ވަނީ ވުޒާރާގެ ސަމާލުކަމަށް އައިސްފައިކަމަށާއި ކަމާ ބެހޭ ޔުނިޓްގެ ފަރާތުން ދަނީ މައްސަލަ ބަލަމުންކަމަށެވެ.

އަދި އުމްރާއަށް މީހުން ގެންދިއުމުގެ ޤަވާޢިދާ ޚިލާފްވާ ފަރާތްތަކަށް ހަރުކަށި ފިޔަވަޅު އަޅާނެކަމަށައި މިފަހުން ވެސް ޖަމާޢަތްތަކެއްގެ ހުއްދަ ބާޠިލުކޮށް ފިޔަވަޅުއަޅާފައިވާނެކަން ވަޒީރުވަނީ ފާހަގަކުރައްވާފައެވެ.

އުމްރާއަށް މީހުން ގެންދިއުމާ ބެހޭގޮތުން އެކުލަވާލާފައިވާ އުސޫލާ ހިލާފަށް އަމަލުކޮށްފައިވާ ބައެއް ކުންފުނިތަކަށް ޖަނަވަރީމަހުގެ ތެރޭގައިވެސް ވަނީ ފިޔަވަޅު އަޅާފައެވެ.