ހުޅުމާލެ އަޒީޒާ މިސްކިތުގައި ޢީދު ނަމާދުކުރުމަށް އިމާމުކަން ޙަވާލުކޮށްފައިވާ ފަރާތާއި އޭނާގެ ބަދަލުގައި ހަމަޖައްސާފައިވާ ފަރާތް ސަސްޕެންޑްކޮށްފިއެވެ.

މިއަދު ހުޅުމާލެ މަސްޖިދުލް ޢަޒީޒާ މޫސާގައި މިއަދު ޢީދު ޚުތުބާކީ ޢަރަބި ބަހުންނެވެ. ޢީދު ނަމާދު ފެށީ އީދު ނަމާދުކުރަން ހަމަޖެހިފައިވާ ގަޑިއަށްވުރެ 7 މިނިޓް ލަހުނެވެ. އީދު ނަމާދު ގަޑިއަސް ނުކުރެވުނީ ޢީދު ނަމާދު ކުރަން ހަމަޖައްސާފައިވާ މީހާއާއި ބަދަލުގައި ހަމަޖައްސާފައިވާ މީހާވެސް ނަމާދަށް ނުދިއުމުންނެވެ.

Ad by Hajj Corporation

ވުމާއެކު އެ މިސްކިތުގައި އިމާމުވެ އީދު ނަމާދުކުރީ ބިދޭސީއެކެވެ. މިކަމާ ގުޅިގެން އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވީ ހުޅުމާލެ އަޒީޒާ މިސްކިތުގައި ޢީދު ނަމާދުކުރުމަށް އިމާމުކަން ޙަވާލުކޮށްފައިވާ ފަރާތާއި އޭނާގެ ބަދަލުގައި ހަމަޖައްސާފައިވާ ފަރާތް މިއަދު މިސްކިތަށް ހާޒިރުނުވާތީވެ، އުޞޫލުގެ ތެރެއިން މައްސަލަ ބަލައި 5 އަހަރު ދުވަހަށް ރާއްޖޭގެ ހުރިހައި ރަށެއްގައި ޚުޠުބާ ކިއުމުން ސަސްޕެންޑްކުރަން އަންގާފައިވާނެކަމަށެވެ. އަދި އިމާމުގެ ބަދަލު އިމާމު ގޮތުގައި ހަމަ ޖައްސާފައިވަނީ މިސްކިތުގައި ހުންނަ އަސްލު އިމާމުކަމުން، މިނިސްޓްރީއަށް ނާންގައި ޖަމާޢަތަށް ހާޒިރުނުވާތީވެ އެމައްސަލަ ވެސް ވަކިން ބަލައި އުޞޫލުގެ ތެރެއިން އިމާމުކަމުގެ ވަޒީފާއިން ސަސްޕެންޑްކުރަން ވެސް ކަމާބެހޭ ޔުނިޓަށް އަންގާފައިވާނެކަމަށް ވަޒީރު ވިދާޅުވިއެވެ.