މޯލްޑިވްސް މެރިން ރިސާރޗް އިންސްޓިޓިއުޓް ( އެމް. އެމް. އާރ. އައި) އިން ކުރިއަަށް ގެންދާ ފަރުމަސް އާލާކުރުމުގެ ހުނަރުތައް ދަސްކޮށްދިނުމުގެ ޕްރޮގްރާމުގައި ބައިވެރިވުމުގެ ފުރުސަތު ހުޅުވާލައިފިއެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ކުރި އިއުލާނުގައިވާގޮތުން ފަރުމަސް އާލާކުރުމުގެ ހުނަރު އުނގަންނައިދީ މިދާއިރާއިން މީހުން ބިނާކުރުމުގެ މަޤްސަދުގައި މި އަހަރު ހިންގާ ފުރަތަމަ ކޯސް އަންނަ މަހުގެ 26 އިން މެއި މަހުގެ 8 ވަނަ ދުވަހުގެ ނިޔަލަށް ޖުމްލަ 14 ދުވަހުގެ ކޯހެއް ހިންގުމަށް ހަމަޖެހިފައިވާކަމަށެވެ.

މި ކޯހަކީ 15 ފަރާތަކަށް އަމާޒުކޮށް، ކ. މަނިޔަފުށީގައި ހިންގުމަށް ހަމަޖެހިފައިވާ ކޯހެކެވެ. މިކޯހަކީ އަސާސީ މެރިކަލްޗަރ ހުނަރުތައް ދަސްކޮށްދިނުމަށް ހިންގާ ކޯހެކެވެ.

ވީމާ، މި ތަމްރީން ޕްރޮގްރާމުގައި ބައިވެރިވެލެއްވުމަށް ޝައުގުވެރިވެލައްވާ ފަރާތްތަކުން 15 އޭޕްރިލް 2025 ވަނަ ދުވަހުގެ 14.00ގެ ކުރިން ފޯމް ހުށަހަޅަމުންގެންދިއުމަށާއި ތަމްރީނު ޕްރޮގްރާމްގައި ބައިވެރިވުމަށް 15 ފަރާތަށްވުރެ އިތުރަށް ފޯމު ހުށަހަޅާފައިވާނަމަ، ބައިވެރިން ހޮވާނީ ފޯމު ހުށަހަޅާ ތަރުތީބުންކަމަށް ވުޒާރާއިން މައުލޫމާތުދެއެވެ.

ކޯހުގެ މުއްދަތުގައި ބައިވެރިން ތިބުމަށް ހަމަޖެހިފައިވާނީ ކ. މަނިޔަފުށީގައެވެ.

ތަމްރީނާ ގުޅޭ އިތުރު މަޢުލޫމާތު ބޭނުންވާ ފަރާތްކުން ނަންބަރު 3322242، 9555373 ފޯނަށް ގުޅުއްވުން އެދޭކަމަށްވެސް ވުޒާރާއިން މައުލޫމާތުދެއެވެ.