އާމްދަނީއިން ޓެކްސްދައްކަންޖެހޭ ފަރާތަކަށް ދިވެހި ރުފިޔާ ފިޔަވާ އެހެން ފައިސާއަކުން އާމްދަނީ ލިބޭނަމަ އެ ފަރާތުން ދައްކަންޖެހޭ ޓެކްސް މީރާއަށް ދައްކަންޖެހޭނީ އެމެރިކާ ޑޮލަރުން ކަމަށް ނިންމައިފިއެވެ. އާމްދަނީން ޓެކްސް ނެގުމުގެ ގަވާއިދަށް ގެނައި އިސްލާޙާއެކު މި ބަދަލު މިއަދު ވަނީ ގެޒެޓްކޮށްފައެވެ. މި ގަވާއިދުގެ ދަށުން އިޞްލާޙުކޮށްފައިވަނީ އާމްދަނީން ޓެކްސް ނެގުމުގެ ޤާނޫނުގެ ދަށުން ނަގާ ޓެކްސްތައް މީރާއަށް ދައްކަންޖެހޭ ކަރަންސީ ބަޔާންކޮށްދީފައި އޮތް މާއްދާތަކެވެ.

މީގެ އިތުރުން، ޓެކްސް ދައްކާ ފަރާތުގެ ޕްރެޒެންޓޭޝަން ކަރަންސީ ކަނޑައަޅާނެ ގޮތާއި ބަޔާންތައް ތައްޔާރުކުރަންޖެހޭ ކަރަންސީ ވެސް މި އިޞްލާޙުގައި ބަޔާންކޮށްދީފައިވެއެެވެ.