އިމިގްރޭޝަންގެ ކުރީގެ ކޮންޓްރޯލަރ ޖެނެރަލް މުހައްމަދު ޝަމްއާން ވަހީދު ރޭ ހައްޔަރުކޮށްފިއެވެ.

ފުލުހުންގެ ޚިދުމަތުން މަޢުލޫމާތު ދިން ގޮތުގައި ޝަމްއާން ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ.

Ad by Hajj Corporation

ޝަމްއާން ހައްޔަރުކޮށްފައިވަނީ އިމިގްރޭޝަންގެ ޑިޓެންޝަނަށް ގެންދިޔަ ބިދޭސީއަކު ދޫކޮށްލުމަށްފަހު، އެ މީހާގެ އަތުން ފައިސާތަކެއް ހޯދި ކަމަށް ތުހުމަތުކުރެވޭ މައްސަލައިގެ ތަޙްޤީޤާ ގުޅިގެންނެވެ.

ޝަމްއާން ވަނީ ތަޙްޤީޤަށް ރޭ ފުލުސް އޮފީހަށް ވެސް ހާޒިރުކޮށްފައިވެއެވެ.

މި މައްސަލައިގައި މިހާތަނަށް ތިން މީހަކު ހައްޔަރުކޮށްފައިވާ ކަމަށް ފުލުހުން މަޢުލޫމާތު ދެއެވެ. އަދި ޝަމްއާންގެ ގެ ބަލައި ފާސްކޮށް، އެ ގެއިން ފައިސާތަކަކާއި އިލެކްޓްރޯނިކް ސާމާނުތަކެއްވެސް ގެންގޮސްފައިވާ ކަމަށް ފުލުހުން ވިދާޅުވިއެވެ.

ފުލުހުންގެ ޚިދުމަތުން ނެރުއްވި ބަޔާނެއްގައި ބުނި ގޮތުގައި، އިމިގްރޭޝަންގެ ޑިޓެންޝަނަށް ގެންދިޔަ ބިދޭސީމީހާ ދޫކޮށްލުމަށްފަހު، އޭނާގެ އަތުން ފެނުނު 530،000 ރުފިޔާ ހިފައިގެން އިމިގްރޭޝަންގެ އޮފިސަރުން ދިޔައީ އިމިގްރޭޝަން ކޮންޓްރޯލަރު ޝަމްއާންގެ ގެއަށް ކަމަށް ތަޙްޤީޤުން އެނގިފައިވާ ކަމަށެވެ.

މި މައްސަލައިގެ ތަޙްޤީޤު ކުރިއަށްދާ ކަމަށާއި، އިތުރު މަޢުލޫމާތު ލިބުމުން ހިއްސާކުރާނެ ކަމަށް ފުލުހުންގެ ޚިދުމަތުން ބުނެއެވެ.

އިތުރަށް ކިޔާލަން:

Bai Million Rf aa eku Hayyarukuri Meehaa Dhookoh, E Faisaa Gendhiyaee Shammaan ge Geah: FuluhunFacebookViberTelegramXWhatsApp

އިތުރަށް ކިޔާލަން: