11 ވަނަ ބެއިޖިންގް ޒިއަންގްޝަން ފޯރަމްގައި ޑިފެންސް މިނިސްޓަރު ޣައްސާން މައުމޫން ވަނީ ޗައިނާގެ ނޭޝަނަލް ޑިފެންސް މިނިސްޓަރު އެޑްމިރަލް ޑޮންގް ޖޫންއާ އެކު މަތީ ފެންވަރުގެ މަޝްވަރާތަކެއް ކުރައްވައިފިއެވެ.

މި ބައްދަލުކުރެއްވުމުގައި ރާއްޖެއާއި ޗައިނާއާ ދެޤައުމުގެ ދެމެދުގައި ދިފާޢީ ގުޅުން އިތުރަށް ބަދަހިކުރުމާ ބެހޭގޮތުން މަޝްވަރާކުރެއްވިއެވެ.

Ad by Hajj Corporation

މި ބައްދަލުކުރެއްވުމުގައި މިނިސްޓަރ ޣައްސާންގެ އަރިހުގައި ޗައިނާއަށް ކަނޑައަޅުއްވާފައި ހުންނަވާ ދިވެހި ސަފީރު ޑރ.ފަޒީލް ނަޖީބުވެސް ބައިވެރިވެވަޑައިގެންނެވިއެވެ.

ކޮންމެ އަހަރަކު ބާއްވަމުން އަންނަ ސެކިއުރިޓީ އެންޑް ޑިފެންސް ކޮންފަރެންސް ކަމަށްވާ ބެއިޖިން ޒިއަންގްޝާން ފޯރަމުން މި މަޝްވަރާތަކަށް މުހިންމު ޕްލެޓްފޯމެއް ފަހިކޮށްދީ، ސްޓްރެޓެޖިކް ޕާޓްނާޝިޕްތައް ފުޅާކޮށް، ބައިނަލްއަގުވާމީ ސަލާމަތީ ދާއިރާއިން ގުޅުން ބަދަހިކުރުމަށް ރާއްޖެއިން ކުރާ މަސައްކަތުގެ މައްޗަށް އަލިއަޅުއްވާލާނެއެވެ.