ވިނީޝިއުސްއަށް ނަސްލީގޮތުން ދިމާކުރި ދެ މީހަކަށް އަދަބުދީފި

ވިނީ ސިއުސްއާއި ނަސްލީގޮތުން ދިމާކުރުމުގެ މައްސަލަތައް ފަހަކަށް އައިސް ދަނީ ފެންމަތިވަމުން

28 މާރިޗު 2025 - 05:34
ރިއަލް މެޑްރިޑްގެ ކުޅުންތެރިޔާ ވިނީޝިއުސްއަށް ނަސްލީގޮތުން ދިމާކުރި ރިއަލް ސޮސިއެދާދްގެ ދެ ސަޕޯޓަރަކަށް 4،000 ޔޫރޯގެ ޖޫރިމަނާއަކާއި 12 މަސްދުވަހުގެ މުއްދަތަށް ސްޓޭޑިއަމްއަށް ވަނުން މަނާކޮށްފިއެވެ.
މި މައްސަލައިގައި އަދަބު ކަނޑައަޅާފައިވަނީ ސްޕެއިންގެ ކުޅިވަރުގެ ދާއިރާގައި އަނިޔާވެރިކަމާއި، ނަސްލީ ތަފާތުކުރުމާއި، ބޭރުމީހުންނަށް ދެކޮޅު ހަރުކަށި ޢަމަލުތަކާ ދެކޮޅަށް މަސައްކަތްކުރާ ދާއިމީ ކޮމިޝަނުންނެވެ. މި ހާދިސާ ހިނގާފައިވަނީ ފެބްރުއަރީ 26 ވަނަ ދުވަހު ރިއަލް އެރީނާގައި ކުޅުނު ކޯޕާ ޑެލް ރޭގެ ސެމީފައިނަލްގެ ފުރަތަމަ ލެގްގައެވެ.
މެޗުގެ 46 ވަނަ މިނެޓްގައި ހިނގި މި ހާދިސާގައި، ދެ ސަޕޯޓަރުން ވިނީޝިއުސްއާ ދިމާލަށް ހަޅޭއްލަވައި، ނަސްލީގޮތުން ފުރައްސާރަކޮށް އިޝާރާތްތައް ކޮށްފައިވާކަމަށް ކޮމިޝަނުން ބުނެއެވެ. މި މެޗުގެ ދެވަނަ ލެގް ކުޅޭނީ ކުރިއަށް އޮތް ހަފްތާގައެވެ.
މީގެއިތުރުން، ފެބްރުއަރީ 22 ގައި އަލަވެސްއާއި އެސްޕަންޔޯލް ބައްދަލުކުރި މެޗު ނިމުމަށްފަހު، ދަނޑަށް ވަދެ ގޯލްކީޕަރާ ޖެހި، ސެކިއުރިޓީ ބެލެހެއްޓި ފަރާތްތަކުގެ އެދުމަށް އިޖާބަނުދީ، ފިލަން މަސައްކަތްކުރި ސަޕޯޓަރެއްވެސް 4،000 ޔޫރޯގެ ޖޫރިމަނާއަކާއި 12 މަސްދުވަހުގެ މުއްދަތަށް ކުޅިވަރުގެ މުބާރާތްތައް ބެލުން މަނާކުރުމުގެ އަދަބު ދިނުމަށް ކޮމިޝަނުން ހުށަހަޅާފައިވެއެވެ.މިސީޒަނުގައި ވިނީސިއުސް އާއި ނަސްލީގޮތުން ދިމާކޮށްގެން ވެލެންސިއާގެ ސަޕޯޓަރުންނަށްވެސް ހަރުކަށި އަދަބުދީފައިވެއެވެ. ވިނީސިއުސް ފާހަގަވެގެންދަނީ ނަސްލީތަފާތުކުރުމާއި ދެކޮޅަށް ފުޓްބޯޅައިގެ އެންމެ އުހުގައި އަޑުއުފުލާ ކުޅުންތެރިއެއްގެގޮތުގައެވެ.
އިތުރު ލިޔުންތައް

ދުނިޔޭގެ ތާރީޚުގެ އެންމެ އަގުބޮޑު ފުޓްބޯޅަ ކުޅުންތެރިޔާގެ މަޤާމު ރެއާލް މެޑްރިޑްގެ ވިނީޝިއަސް އަށް.
6 މަސް ކުރިން
ވިނީޝިއަސްގެ ހެޓްރިކަކާއެކު ރެއާލް އިން އެޓީމަކީ ޗެންޕިއަންސް ލީގު ގެ ރަސްގެފާނު ކަމުގައި ސާބިތުކޮށްދީފި
5 މަސް ކުރިން
ރެއާލް މެޑްރިޑާއި ބާސެލޯނާގެ އެލް ކްލެސިކޯ މިރޭ: ފަހުގެ ތާރީޚެއްގައި މި ދެޓީމުކުޅޭ އެންމެ ވާދަވެރި މެޗު.
5 މަސް ކުރިން