ޏ.ފުވައްމުލަކު ސިޓީ ގައި ދޯންނަކުން ބިއްލޫރި ޕެލެޓެއް ބާލަން އުޅުމުގެ ތެރޭގައި ޕެލެޓް ތަޅައިގެން ގޮސް ހިނގި ހާދިސާގައި ހަތަރު މީހަކަށް އަނިޔާވެއްޖެއެވެ.

މި ހާދިސާގައި އަނިޔާވީ 2 ބިދޭސީންނާއި 2 ދިވެހިންނަށް ކަމަށް ފުލުހުން ވަނީ ބުނެފައެވެ. ފުލުހުން ބުނީ މިހާދިސާ ރިޕޯޓް ކޮށްފައިވަނީ މިއަދު ހެނދުނު 09:30 ހާއިރު ކަމަށެވެ.

Ad by Hajj Corporation

މިހާދިސާ ހިނގަން ދިމާވި ސަބަބެއްކަމަށް މަންޒަރުދުށް ފަރާތްތަކުން ބުނީ ބިއްލޫރި ޕެލެޓްތައް ބާލަން އުޅުނު ގަޑީގައި ދޯނި އަރިއަޅާލައިގެން ޕެލެޓްތައް ވެއްޓުމުން ކަމަށެވެ. މިހާދިސާގައި އަނިޔާވި މީހުންނަށް ލިބުނު އަނިޔާތަކުގެ ސީދާ ތަފްސީލެއް އަދި އާއްމުކޮށްފައެއް ނުވެއެވެ. ނަމަވެސް އެ ސަރަހައްދުގައި ހަރަކާތްތެރިވިމީހުން މައުލޫމާތު ދިންގޮތުން މިހާދިސާގައި އަނިޔާވި ބިދޭސީ އެކެއްގެ ފަޔަށް ވަނީ ވަރަށް ބޮޑަށް ހާނިއްކަވެފައިކަަމަށެވެ.