އެމެރިކާއިން ހަމަލާއެއް ދީފިނަމަ ރައްދު ހަމަލާ ދޭނީ ފޯޅަވަހީގައި ހިންގާ އަސްކަރީ މަރުކަޒަށް


31 މާރިޗު 2025 - 07:43
އެމެރިކާއިން އީރާނަށް ހަމަލާއެއް ދީފިނަމަ ރައްދުގައި ފޯޅަވަހީގައި އެމެރިކާއާއި އިނގިރޭސިވިލާތުން ހިންގަމުން އަންނަ އަސްކަރީ މަރުކަޒަށް ހަމަލާދޭނެކަމަށް އީރާނުން ބުނެފިއެވެ.
ފޯޅަވަހީގައި ހިންގާ އަސްކަރީ މަރުކަޒަށް ރައްދު ހަމަލާ ދޭނެކަމުގެ އިންޒާރު އެމެރިކާއަށް ދެއްވީ އީރާނުގެ އަސްކަރިއްޔާގެ އިސް އޮފިޝަލެކެވެ. ދަ ޓެލެގްރާފް ނޫހުން ކުރި ސުވާލެއްގެ ޖަވާބުގައި އޮފިޝަލް ވިދާޅުވެފައިވަނީ އެފަދަ ހަމަލާއެއް ދޭއިރު އިނގިރޭސިވިލާތުގެ ސިފައިންނަށް ނުވަތަ އެމެރިކާ ސިފައިންނަށް ނުބަލާނެކަމަށެވެ. ފޯޅަވަހީގައި އެމެރިކާގެ 4000 އަށްވުރެ ގިނަ ސިފައިން އަދި އިނގިރޭސިވިލާތުގެ 40 ސިފައިން އެބަތިއްބެވެ.
އީރާނުން ބުނީ ފޯޅަވައްސަށް ހަމަލާދިނުމުގެ ގާބިލުކަން އީރާނުގެ އެބަހުރިކަމަށެވެ. އެގޮތުން އިރާން ސަރުކާރުން ބުނެފައިވަނީ އީރާނުގެ އައްސޭރިފަށުން ފެށިގެން ފޯޅަވައްސާ ދެމެދު ހުންނަނީ 2390 މޭލުކަމަށާއި ހޮރަމްޝަހަރު މިސައިލާއި ޝަހީދު ޑްރޯންތަކުގެ ރޭނަޖަކީ 2485 މޭލުކަމަށެވެ.
އީރާނުގެ އިންޒާރަށް ބިރުން އެމެރިކާއިން މިހާރުވަނީ އެ ގައުމުގެ އެންމެ ވަރުގަދަ ބޮން އަޅާ މަތިންދާބޯޓު ބީ-20 ސްޕިރިޓުގެ ތިން މަތިންދާބޯޓާއި ހަތިޔާރު އުފުލާ 10 ސީ-17 ޓްރާންސްޕޯޓު މަތިންދާބޯޓު ފޯޅަވައްސަށް ގެންގޮސްފައެވެ.
އެމެރިކާގެ ބީ-20 ސްޕިރިޓް މަތިންދާބޯޓުތަކަކީ ރާޑަރަށް ނާރައި ދަތުރުކުރުމުގެ ގާބިލުކަން ހުންނަ މަތިންދާބޯޓުތަކެކެވެ. އެފަަދަ މަތިންދާބޯޓުތަކުގައި ނިއުކްލިއާ ބޮން ގިނަ އަދަދަކަށް އުފުއްލޭނެއެވެ.
މިހާރު ވެސް 200 އެއްހާ މަތިންދާބޯޓާއެކު އެމެރިކާގެ މަނަވަރުތައްވެސް ދަނީ ޔަމަން ކައިރީގައި ހަރަކާތްތެރިވަމުންނެވެ. މީގެ އިތުރުން ހުޅަނގު ޕެސިފިކް ކަނޑުގައި ހަރަކާތްތެރިވަމުން ދިޔަ އަސްކަރީ މަނަވަރުތައް މެދުއިރުމައްޗަށް ފޮނުވުމަށްވެސް އެމެރިޚާ ސަރުކާރުން ވަނީ ނިންމާފައެވެ.
މިއީ އިރާނާ ދެކޮޅަށް އެމެރިކާއިން ހަނގުރާމައެއް ފަށަން ތައްޔާރުވާކަމުގެ ހެއްކެއްކަމަށް މަސްރަހު ދިރާސާ ކުރާ ފަރާތްތަކުން ދެކެއެވެ.
އިތުރު ލިޔުންތައް

ޔޫއެންގެ ސެކްރެޓަރީ ޖެނެރަލް އިސްތިއުފާ ދިނުމަށް އިސްރާއިލުން ގޮވާލައިފި
6 މަސް ކުރިން
އީރާނުގެ ތެލުގެ ވިޔަފާރިއާ ގުޅިފައިވާ ކުންފުނިތަކަށް އެމެރިކާއިން ދަތިކުރުމުގެ ފިޔަވަޅު އަޅައިފި
6 މަސް ކުރިން
އިސްރާއީލުން އީރާނަށް ވައިގެހަމަލާދިނުން ހުއްޓާލައިފި
5 މަސް ކުރިން