ރާއްޖެ އާއި އިންޑިއާއާ ދެމެދު ހަދާފައި އޮންނަ އެއްބަސްވުމުގެ ދަށުން ކާޑާއި އަސާސީ އެހެން ބާވަތްތަކުގެ ކޯޓާ ރާއްޖެއަށް އިތުރުކޮށްދީފިއެވެ.

މިއީ 1981 ވަނަ އަހަރު މި އެއްބަސްވުން ހެދި ފަހުން މިހާތަނަށް ހުއްދަ ދޭ ނުވަތަ ކޯޓާ އިތުރުކޮށްދޭ އެންމެ ބޮޑު އަދަދު ކަމަށް އިންޑިއާ ހައި ކޮމިޝަނުން ނެރުނު ބަޔާނެއްގައި ބުނެފައިވެއެވެ.

Ad by Hajj Corporation

އިންޑިއާ ހައި ކޮމިޝަނުން ހާމަކުރި ގޮތުގައި، ރާއްޖޭގެ ކޮންސްޓްރަކްޝަން އިންޑަސްޓްރީއަކީ އެންމެ ބާރަށް ކުރިއަރަމުން އަންނަ ދާއިރާ ކަމަށްވާތީ، ވެއްޔާއި ގާ ފަދަ ތަކެތީގެ ކޯޓާ 30 ޕަސެންޓް އިތުރުކޮށްދީފައިވެއެވެ. މި އިތުރުކުރުމާއެކު، ރާއްޖެއަށް މިހާރު މި ސާމާނުގެ 1.3 މިލިއަން މެޓްރިކް ޓަނު ގެނެވޭނެއެވެ.

މީގެ އިތުރުން، ފިޔާ، އަލުވި، ބިސް އަދި ހަކުރާއި ފުށް ފަދަ އަސާސީ ކާބޯތަކެތީގެ ކޯޓާ ފަސް ޕަސެންޓަށް އިތުރުކޮށްދީފައިވާކަން ހައި ކޮމިޝަނުން ފާހަގަކޮށްފައިވެއެވެ. ޚާއްޞަ ގޮތެއްގައި، މުގު އެތެރެކުރެވޭ މިންވަރު 56 ޕަސެންޓަށް އިތުރުކޮށްފައިވާކަން ވެސް ފާހަގަކޮށްފައިވެއެވެ.