އަލިފާން ރޯވެ، އެނދި "ހޮޅުދޫ ބޯޓު" ރޭ މެންދަމު އަޑިއަށް ގޮސްފައިވާ ކަމަށާއި ބޯޓުން ގެއްލުނު ޒުވާނާ އަދިވެސް ފެނިފައިނުވާ ކަމަށް އެމްއެންޑީއެފުން ބުނެފި އެވެ.

ހޮޅުދޫ ބޯޓުގައި ރޯވީ ތ. ހިރިލަންދޫން ފުރައިގެން މާލެ ދަތުރުކުރަނިކޮށް ރޭ 09:07 ހާއިރު އެވެ. އެ ހާދިސާގައި ލ. މާވަށަށް ނިސްބަތްވާ އުމުރުން 25 އަހަރުގެ އަލީ މުޝްފިގް މުހައްމަދު ޝަރީފް ވަނީ ގެއްލިފަ އެވެ.

އެމްއެންޑީއެފުން ރޭ ބުނެފައި ވަނީ ހޮޅުދޫ ބޯޓުގައި އަލިފާން ރޯވިކަމުގެ މައުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑަށް ލިބުމާ އެކު، އެމްއެންޑީއެފް ސެންޓްރަލް އޭރިއާ ކޮމާންޑް ކޯސްޓްގާޑުން ބޯޓު އޮތް ސަރަހައްދަށް ދިޔަ ކަމަށެވެ.

އަލިފާނުގެ ހާދިސާ އާ ގުޅިގެން ރޭ މެންދަމު 02:07 ހާއިރު ބޯޓު އަޑިއަށް ގޮސްފައިވާ ކަމަށް އެމްއެންޑީއެފުން ބުނެ އެވެ. ބޯޓުގެ ބައިތައް އޮޔާދާތީ، އެ ސަރަހައްދުން ދަތުރުކުރާ ފަރާތްތަކުން އެކަމަށް ސަމާލުކަން ދިނުމަށާއި ރޭގަނޑު އެ ސަރަހައްދުން ދަތުރުކުރާ ފަރާތްތަކުން ހާއްސަ ސަމާލުކަމެއް ދިނުމަށް ވަނީ އިލްތިމާސްކޮށްފަ އެވެ.

އަލިފާން ރޯވެ، އެނދި "ހޮޅުދޫ ބޯޓު" ރޭ މެންދަމު އަޑިއަށް ގޮސްފައިވާ ކަމަށާއި ބޯޓުން ގެއްލުނު ޒުވާނާ ހޯދުމުގެ މަސައްކަތުގައި ޑްރޯން ބޭނުންކުރަމުންދާ ކަމަށް އެމްއެންޑީއެފުން ވަނީ ބުނެފައެވެ.