އިޓަލީގެ ސެރީއާގައި ބޮލޮންޔާއާ ދެކޮޅަށް ކުޅުނު މެޗް 1-1 އިން އެއްވަރުވެ ނަޕޮލީ ލީގުގެ އެއްވަނައިގައި އޮތް އިންޓަރ އާއި އެއްވަރުކޮށް ލީގު ހޯދުމަށް ކުރަމުންގެންދާ މަސައްކަތަށް ހިޔަނިއެޅިއްޖެއެވެ. މި ނަތީޖާއާ ގުޅިގެން ލީގުގެ އެއްވަނައިގައި އޮތް އިންޓަރ މިލާނާ ދެމެދު އޮތް ތިން ޕޮއިންޓުގެ ފަރަގު ވަނީ އެގޮތުގައި ހިފެހެއްޓިފައެވެ. ލީގުގައި އިންޓަރ އެންމެ ފަހުން ކުޅުނު މެޗުވެސް ވަނީ އެއްވަރުވެފައެވެ.

ރޭގެ މެޗުގެ 18 ވަނަ މިނެޓުގައި އަންގުއިސާ ވަނީ ނަޕޮލީއަށް ލީޑު ހޯދައިދީފައެވެ. ނަމަވެސް މެޗުގެ ދެވަނަ ހާފުގައި ބޮލޮންޔާގެ ޑޭން ންޑޯއި ވަނީ އެ ޓީމަށް ގޯލުޖަހައިދީ މެޗު ހަމަހަމަކޮށްފައެވެ.

Ad by Hajj Corporation

މި މެޗުގެ ނަތީޖާއާ ގުޅިގެން 31 މެޗުން ނަޕޮލީ އަށް މިހާރު ލިބިފައިވަނީ 65 ޕޮއިންޓެވެ. އިންޓަރ މިލާން އޮތީ 68 ޕޮއިންޓާއެކު ތާވަލުގެ އެއްވަނައިގައެވެ. އަދި ބޮލޮންޔާ ވަނީ 57 ޕޮއިންޓާއެކު ހަތަރުވަނައަށް އަރާފައެވެ. މިއީ ޔުވެންޓަސްއަށްވުރެ އެއް ޕޮއިންޓު އިތުރު އަދަދެކެވެ.