ޞިއްހީ ދާއިރާގެ ޚިދުމަތް ޑިޖިޓަލް ކުރުމާއި ގުޅޭގޮތުން މަޝްވަރާކޮށްފިއެވެ.

ރައީސުލްޖުމުހޫރިއްޔާގެ ޚާއްޞަ އިސްނެންގެވުމުގެ މަތިން ޑިޖިޓަލް ހެލްތު ކުރިއެރުވުމަށް ކުރިއަށް ގެންދާ މަސައްކަތުގެ ދަށުން އާއްމުންދަށް ދޭ ޚިދުމަތްތައް ޑިޖިޓަލް ކުރުމަށް ސިއްހީ ވުޒާރާ އާއި އެ ވުޒާރާއާ ގުޅުން ހުރި އިދާރާތަކާއި އެކު މަޝަވަރާކޮށްފިއެވެ.

Ad by Hajj Corporation

މި ބައްދަލުވުމުގައި މަޝަވަރާކޮށްފައިވަނީ ސިއްހީ ދާއިރާ ޑިޖިޓަލައިޒް ކުރުމަށް އެހީތެރިވުމަށް މި ހުރިހާ ދާއިރާތަކުން ގުޅިގެން މަސައްކަތް ކުރުމާއި ގުޅޭގޮތުންނެވެ. އެގޮތުން ހެލްތު އިންފޮމޭޝަން ސިސްޓަމާއި، ޞިއްޚީ ޚިދުމަތާއި ގުޅޭ ކަންކަން އެ ސިސްޓަމާއި ގުޅުމާއި، ވުޒާރާއިން އާއްމުކުރުމަށް މިހާރު މަސައްކަތް ކުރަމުން އަންނަ ޑިޖިޓަލް ހެލްތު ރޯޑްމެޕް ލޯންޗުކުރުމުގެ ކަންކަމާއި ގުޅޭގޮތުން ވަނީ މަޝަވަރާކޮށްފައެވެ.

ޑިޖިޓަލް ހެލްތު ރޯޑް މެޕް އަންނަ މަހު ލޯންޗް ކުރުމަށް ދަނީ މަސައްކަތް ކުރަމުންނެވެ.

މި މަސައްކަތުގައި އިސްކޮށް މަސައްކަތް ކުރައްވާ ރައީސް އޮފީހުގެ ޓީމުން މިއަދު ސިއްހީ ވުޒާރާގެ އިސްވެރިންނާއި، އައިޖީއެމްއެޗް، އާސަންދަ، އަދި އެންސްޕާގެ އިސްވެރިން މި މަޝްވަރާގައި ބައިވެރިވަޑައިގެންނެވިއެވެ.