ރޭ ކުޅުނު ޗެމްޕިއަންސް ލީގުގެ ކުއާޓަރ ފައިނަލްގެ ދެވަނަ ލެގުގައި ބޮރޫސިއާ ޑޯޓުމަންޑުން ބާސެލޯނާއާ ދެކޮޅަށް 3-1 އިން މޮޅުވިނަމަވެސް އެގްރިގޭޓުން ބާސާ ވަނީ ކުއާޓަރ ފައިނަލް ކާޟިޔާބުކޮށް މުބާރާތުގެ ސެމިއާއަށް ދަތުރުކޮށްފައެވެ. މެޗުގައި ޖުމްލަ 4 ގޯލު ފެނިގެންގޮސްފައިވާއިރު، މީގެތެރެއިން ބާސާގެ ގޯލަކީވެސް ޑޯޓްމަންޑުގެ ކުޅުންތެރިޔަކު ބައިކޮޅަށް ޖެހުގޯލެކެވެ. ޑޯޓްމަންޑުގެ 4 3 ގޯލުވެސް ކާމިޔާބުކޮށްދިނީ ގުއިރާސީއެވެ. ބާސާ މޮޅުވެފައިވަނީ 5-3 އެގްރިގޭޓުންނެވެ.

ފުރަތަމަ ލެގުގައި 4-0 އިން ބަލިވެފައިވާ ޑޯޓުމަންޑުން މެޗު ފެށުނީއްސުރެ މޮޅުކުޅުމެއް ދެއްކިއެވެ. މެޗުގެ 11 ވަނަ މިނެޓުގައި ޕާސްކަލް ގްރޮސްއަށް ބާސާގެ ގޯލްކީޕަރު ވޮޖްސީ ޝެޒްނީ ފައުލުކުރުމުން ލިބުނު ޕެނަލްޓީ ގުއިރާސީ ޕަނޭންކާ ސްޓައިލުގައި ޕެނަލްޓީއަކުން ގޯލުޖަހައި ލީޑުނެގިއެވެ. މިއީ އޭނާ މި މުބާރާތުގައި ޖަހާފައިވާ 11 ވަނަ ގޯލެވެ.

Ad by Hajj Corporation

ދެވަނަ ހާފު ފެށިގެން 49 ވަނަ މިނެޓުގައި ގުއިރާސީ ދެވަނަ ގޯލުޖެހިނަމަވެސް 5 މިނެޓު ފަހުން ރާމީ ބެންސެބައިނީގެ އަމިއްލަ ގޯލަކުން ބާސާގެ މެޗުގެ ހަމައެކަނި ގޯލުފެނިގެންދިޔައެވެ. މިގޯލަށްފަހު ޑޯޓުމަންޑުން ހިތްވަރު ދޫކޮށްނުލައި، މެޗުގެ 70 ވަނަ މިނެޓުގައި ގުއިރާސީ އޭނާގެ ހެޓްރިކް ފުރިހަމަކުރިއެވެ.

ރޭގެ މޮޅާއެކު ބާސެލޯނާ ވަނީ 7 އަހަރުފަހުން ޗެންޕިއަންސް ލީގުގެ ސެމީއަށް ދަތުރުކޮށްފައެވެ.