ބިގް ގޭމް މޯލްޑިވްސްއިން އިންތިޒާމުކޮށްގެން ފުރަތަމަ ފަހަރަށް ބާއްވާ އޮފީސް ލީގު މުބާރާތް ވަނީ 29 ޓީމުގެ ބައިވެރިވުމާއެކު ރޭގައި ފަށައިފިއެވެ. މި މުބާރާތުގެ މެޗުތައް ކުޅެމުންދަނީ ހުޅުމާލޭ ރެހެންދި ޓާފް ފުޓްސަލް ދަނޑުގައެވެ.

މުބާރާތުގެ ރޭ ކުޅުނު މެޗުތަކުގައި ގްރޫޕް އީގައި މިފްކޯ ވަނީ އެންޓްރަކާ ދެކޮޅަށް ކުޅުނު މެޗު 3-2 އިން ކާމިޔާބުކޮށްފައެވެ. އަދި ގްރޫޕް އެފްގައި ސިލްވާ ސޭންޑްސް ވަނީ ހައްޖު ކްލަބާ ދެކޮޅަށް ކުޅުނު މެޗު 8-1 އިން ކާމިޔާބުކޮށްފައެވެ. ގްރޫޕް ޖީގައި ސްޓެލްކޯއިން ވަނީ ކްލަބް ވެލިގާއާ ދެކޮޅަށް ކުޅުނު މެޗު 7-0 އިން ކާމިޔާބުކޮށްފައެވެ.

ރޭގެ ފަހު މެޗުގައި މިނިސްޓްރީ އޮފް ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް (އެމްސީއެލްޕީ) ވަނީ އިސްލާމިކް ބޭންކާ ދެކޮޅަށް ކުޅުނު މެޗު 2-1 އިން ކާމިޔާބުކޮށްފައެވެ.

މިރޭ ކުޅޭ މެޗުތައް:

މިރޭ ކުޅޭ މެޗުތަކުގައި ގްރޫޕް އޭގައި ޓްރޭޑް ކްލަބާއި ވިލާ ޓްރެވަލްސް ވާދަކުރާއިރު، ގްރޫޕް ބީގައި ދަ ހޯކްސްއާއި މޯލްޑިވްސް ޕޯސްޓް ލިމިޓެޑް ވާދަކުރާނެއެވެ. އަދި ގްރޫޕް ސީގައި ކްލަބް ދާޚިލީއާއި ކުޅިވަރު ވުޒާރާ ވާދަކުރާއިރު، ގްރޫޕް ޑީގައި ކްލަބް މާލެ ސިޓީއާއި ބީސީސީ ވާދަކުރާނެއެވެ.

މުބާރާތުގައި މިހާރު ކުރިއަށްދަނީ ގްރޫޕް ސްޓޭޖުގެ ފުރަތަމަ މެޗުތަކެވެ. މި މުބާރާތަކީ ރާއްޖޭގައި ފުރަތަމަ ފަހަރަށް ބާއްވާ އޮފީސް ލީގު މުބާރާތެވެ.