ދިރާގުން ކޮންމެ ދެ ދުވަހުން އެއް ދުވަހު ސްމާޓް ހޯމް ކިޓެއް ލިބޭ ޕްރޮމޯޝަނެއް އިއުލާނުކޮށްފިއެވެ.

މިއީ، ދިރާގުގެ ހުރިހާ ކަސްޓަމަރުންނަށް ވެސް ވަރަށް ފަސޭހައިން ބައިވެރިވުމުގެ ފުރުސަތު އޮތް ޕްރޮމޯޝަނެކެވެ. މި ގޮތުން، ދިރާގު ޕްރިޕެއިޑް، ޕޯސްޓްޕެއިޑް އަދި ފައިބަރ ބްރޯޑްބޭންޑް ކަސްޓަމަރުންނަށް އެންމެ 200 ރުފިޔާ ނުވަތަ އެއަށް ވުރެ ގިނައިން ބިލު ދައްކައިގެން ނުވަތަ ރިޗަރޖުކޮށްގެން މި އަގުހުރި އިނާމު ހާސިލުކުރުމުގެ ފުރުސަތު ވަނީ ހުޅުވައިލައިފައެވެ.

Ad by Hajj Corporation

މި ޕްރޮމޯޝަން ކުރިއަށްދާނީ މި މަހުގެ 30 ވާ ބުދަ ދުވަހުގެ ނިޔަލަށެވެ.

މިއީ، ގޭތެރޭގެ ރައްކާތެރިކަން ކަށަވަރުކުރުމަށް ވަރަށް މުހިންމު އަދި ބޭނުންތެރި ވަސީލަތްތައް ހިމަނައިގެން ދިރާގުގެ ކަސްޓަމަރުންނަށް ހުޅުވައިލައިފާ ޕްރޮމޯޝަނެކެވެ.

ދިރާގުން ދޭ ސްމާޓް ހޯމް ކިޓުގައި ހިމެނޭ ތަކެތީގެ ތެރޭގައި:

·         އައުޓްޑޯރ ކެމެރާ

·         އިންޑޯރ ކެމެރާ

·         ޑޯބެލް ކެމެރާ

·         ދިރާގު އޮރެންޖެ ބޮކްސް

ދިރާގުން ދަނީ މި ފަދަ ޕްރޮމޯޝަންތައް ހިންގައި، ދިރާގު ކަސްޓަމަރުންނަށް އެންމެ ފަހުގެ ވަސީލަތްތައް އެންމެ ހެޔޮ އަގުގައި ފޯރުކޮށްދެމުންނެވެ.