މާލޭގެ މާފަންނު ސަރަޙައްދުގައި ހުންނަ ކެފޭއެއްގައި 22 އަހަރުގެ ދިވެހި ޒުވާނަކަށް ވަޅިން ހަމަލާދީ ޒަޚަމްކޮށްލައިފިއެވެ.

މި ހާދިސާ ހިނގާފައިވަނީ މިއަދު ހަވީރު 15:28 ހާއިރުގައި ކަމަށް ފުލުހުންގެ ޚިދުމަތުން މަޢުލޫމާތު ދީފިއެވެ.

ފުލުހުންގެ ޚިދުމަތުން ބުނިގޮތުގައި، މި މާރާމާރީގައި ތޫނު އެއްޗެއް ބޭނުންކޮށްގެން ޒުވާނާއަށް ހަމަލާދީފައިވެއެވެ.

އަނިޔާ ލިބުނު ޒުވާނާއަށް މިހާރު އަންނަނީ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި ފަރުވާދެމުންނެވެ.

މި ހާދިސާއާ ގުޅިގެން އެއްވެސް ފަރާތެއް ހައްޔަރުކުރެވިފައިވާކަން އަދި އެނގިފައެއް ނުވެއެވެ. ނަ

ފުލުހުންގެ ޚިދުމަތުން ވަނީ މި މައްސަލައިގެ ތަޙްޤީޤު ކުރިއަށްދާ ކަމަށް ބުނެފައެވެ.