ރެއާލް މެޑްރިޑްގެ ބްރެޒިލިއަން ތަރި އަދި ފީފާގެ އެންމެ މޮޅު ކުޅުންތެރިޔާ ވިނީސިއުސް ޖޫނިއާ ކުލަބާއެކު އާ އެއްބަސްވުމެއްގައި ސޮއިކުރުމަށް ތައްޔާރުވެފައިވާކަމަށް ރިޕޯޓްތައް ބުނަން ފަށައިފިއެވެ. މި އެއްބަސްވުމަކީ ފަސް އަހަރު ދުވަހުގެ މުއްދަތަށް ވެވޭ އެއްބަސްވުމެކެވެ.

ފުޓްބޯޅައިގެ ދުނިޔޭގެ މަޝްހޫރު ނޫސްވެރިޔާ ފެބްރިޒިއޯ ރޮމާނޯ ހާމަކުރި ގޮތުގައި، މި އެއްބަސްވުން 2029 ނުވަތަ 2030 ވަނަ އަހަރާ ހަމައަށް ދެމިގެންދާނެއެވެ. އަދި އިތުރަށް މުއްދަތު އިތުރުކުރުމުގެ ފުރުސަތުވެސް މި އެއްބަސްވުމުގައި ހިމެނޭނެއެވެ.

Ad by Hajj Corporation

"ވިނީސިއުސް އަބަދުވެސް ބޭނުންވީ ރެއާލް މެޑްރިޑްގައި ދެމިހުރުމަށް،" ރޮމާނޯ ވަނީ ބުނެފައެވެ.

23 އަހަރުގެ ވިނީސިއުސްއަކީ ރެއާލް މެޑްރިޑް ފަހަކަށް އައިސް ހޯދާފައިވާ ބޮޑެތި ކާމިޔާބީތަކުގައި މުހިންމު ދައުރެއް އަދާކުރާ ކުޅުންތެރިއެކެވެ. އޭނާ މިހާތަނަށް ރެއާލް މެޑްރިޑްގެ ޖާޒީގައި ކުޅުނު 311 މެޗުން ވަނީ 105 ލަނޑު ޖަހާފައެވެ. އަދި އޭނާވަނީ ރެއާލް ޖޯޒީގައި 14 ތަށްޓެއް ކާމިޔާބުކޮށްފައެވެ.

ވިނީސިއުސްއަކީ ރެއާލް މެޑްރިޑްގެ ކުރިމަގުގެ އެންމެ މުހިންމު އެއް ތަނބުކަމަށް ބެލެވޭއިރު، އޭނާ ކުލަބާއެކު އެއްބަސްވުން އާކުރުމަކީ ކުލަބަށް ލިބުނު ވަރަށް ބޮޑު ކުރިއެރުމެކެވެ.