އެމްޑީޕީއަކީ މަޖިލީހަށް މެމްބަރެއް ހޮވުމުން ނުބައި ނަސޭހަތްތަކެއް ދިނުމަށްފަހު ފޮނުވާ ޕާޓީއެއް ކަމަށް ރައްޔިތުންގެ މަޖިލީހުގެ މެޖޯރިޓީ ލީޑަރު، އިނގުރައިދޫ ދާއިރާގެ މެންބަރު އިބްރާހިމް ފަލާހް ވިދާޅުވެއްޖެއެވެ.

މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުން މެމްބަރު ފަލާހް ވިދާޅުވީ، އެމްޑީޕީއަކީ މަޖިލީހަށް މެމްބަރެއް ހޮވުމުން ނުބައި ނަސޭހަތްތަކެއް ދިނުމަށްފަހު ފޮނުވާ ޕާޓީއެއް ކަމަށެވެ. އަދި އެމްޑީޕީގެ މެމްބަރުންގެ އަޚްލާޤީ ކަންކަން މިހާތަނަށް ވަރަރަށް ބޮޑަށް ރަނގަޅުވެފައިވާ ކަމަށާއި، ނަމަވެސް އަދިވެސް ބައެއް ބަސްނާހާ ބޭފުޅުން ތިއްބެވި ކަމަށެވެ.

މެމްބަރު ފަލާހް އިތުރަށް ވިދާޅުވި ގޮތުގައި، މަޖިލީހަށް ގަރާރެއް ހުށަހަޅުއްވާފައިވަނީ ބަސްއެހުމާ ތަންކޮޅެއް ދުރު މެމްބަރެއް ކަމަށެވެ. އަދި 19 ވަނަ މަޖިލީހާއި 20 ވަނަ މަޖިލީހުގެ މަސައްކަތްތަކުގެ ހިސާބުތައް އަޅާކިޔައި، 20 ވަނަ މަޖިލީހުން މިހާތަނަށް 33 ބިލު ފާސްކޮށްފައިވާއިރު، 19 ވަނަ މަޖިލީހުން މި މުއްދަތުގައި ފާސްކޮށްފައިވަނީ 25 ބިލު ކަމަށް ވިދާޅުވިއެވެ.

ފަލާހް އިތުރަށް ފާހަގަކުރެއްވި ގޮތުގައި، 20 ވަނަ މަޖިލީހަކީ ފަހުގެ ތާރީޚެއްގައި މައިނޯރިޓީއަށް އެންމެ ބޮޑަށް އިޙްތިރާމްކޮށް، އަޅާލައިގެން އޯގން އޯގާތެރިކަމާއެކު ހިންގޭ މަޖިލީސް ކަމަށް އެމަނިކުފާނު ޤަބޫލުކުރައްވާ ކަމަށެވެ. މީގެ އިތުރުން، ބައެއް މުހިންމު ކޮމިޓީތަކުން އެމްޑީޕީގެ އެދުމަށް އިތުރު ޖާގަ ދީފައިވާ ކަމަށްވެސް ވިދާޅުވިއެވެ.