ޖެންޑާ ރިވީލް ޕާޓީއަކަށް ޚާއްސަކޮށްގެން، ނިރުބަވެރި ޔަހޫދީ ދައުލަތުގެ އަސްކަރިއްޔާއިން، ޣައްޒާގެ ޢިމާރާތެއް ގޮއްވާލައި ބިމާހަމަކޮށްފިއެވެ.

މި މަހުގެ ތިން ވަނަ ދުވަހު އިޒްރޭލުން ހިންގި މި ނިރުބަވެރި ޙަމަލާގެ ނަގާފައިވާ ވީޑިއޯއެއްގައި ދައްކާ ގޮތުން، އިޒްރޭލުގެ ސިފައިން ގާޒާގެ އިމާރާތެއް ގޮއްވާލަނީ ދަރިފުޅުގެ ޖިންސު ހާމަކުރުމުގެ ގޮތުންނެވެ. މި އިމާރާތް ގޮއްވާލުމުގެ ކުރިން، އޭގައި ގޮވާ ތަކެތި ހަރުކޮށްފައިވެއެވެ. އަދި މި ގޮވާ ތަކެތިން ނުކުންނަ ދުމުން ދޭހަވަނީ އުފަންވަނީ ފިރިހެން ކުއްޖެއް ކަމެވެ.

އެ ވީޑިޔޯގައި، އެ ޢިމާރަތް ގޮއްވާލުމާއެކު އިޒްރޭލުގެ ނިރުބަވެރިން ހީ ސަކަރާތްޖަހާ އަޑު ވެސް އިވެއެވެ.

މި ޢަމަލަކީ ބައިނަލްއަޤްވާމީ ޤާނޫނާ ޚިލާފު އަދި އިންސާނިއްޔަތާ ދެކޮޅު ޢަމަލެއް ކަމަށް ބުނެ، ގިނަ ފަރާތްތަކުން ފާޅުގައި ކުށްވެރިކޮށްފައިވެއެވެ. އަދި މިފަދަ ޢަމަލުތަކުން ގާޒާގެ ރައްޔިތުންނަށް ކުރިމަތިވާ ގެއްލުންތަކާއި ހިތްދަތިކަން ފާހަގަކޮށްފައިވެއެވެ.

މި ހާދިސާއާ ގުޅޭގޮތުން އިޒްރޭލުގެ ސަރުކާރުން އަދި ރަސްމީ ބަޔާނެއް ނެރެފައެއް ނުވެއެވެ. ނަމަވެސް، ބައިނަލްއަޤްވާމީ މުޖުތަމަޢުން މިކަމާ ގުޅޭގޮތުން ތަޙްޤީޤެއް ހިންގުމަށް ވަނީ ގޮވާލާފައިވެއެވެ.