ބަޔަރ ލެވަކޫސަންގެ ހޮލެންޑުގެ ރައިޓް ބެކް ޖެރެމީ ފްރިމްޕޮންގް ލިވަރޕޫލަށް ގެނައުމުގެ މަސައްކަތް ވަރަށް ބާރަށް ކުރިޔަށް ދާކަމަށް ރިޕޯޓްތަކުން ދައްކައިފިއެވެ. 35 މިލިއަން ޔޫރޯ (29.5 މިލިއަން ޕައުންޑް) ގެ ރިލީސް ކްލޯޒްއެއް އޮތް 24 އަހަރުގެ ކުޅުންތެރިޔާ 2030 ވަނަ އަހަރާ ހަމައަށް އެއްބަސްވުމެއްގައި ސޮއިކުރުމަށް ވަނީ ތައްޔާރަށެވެ.

ފްރިމްޕޮންގް ގެނައުމަށް ލިވަރޕޫލުން މި މަސައްކަތްކުރަނީ ރިއަލް މެޑްރިޑަށް ބަދަލުވާން ތައްޔާރުވަމުންދާ ލިވަރޕޫލުގެ ޓްރެންޓް އެލެގްޒެންޑަރ-އާނޯލްޑްގެ ބަދަލުގައެވެ. ސްކައި ސްޕޯޓްސް ރިޕޯޓްކުރި ގޮތުގައި ފްރިމްޕޮންގް ވަނީ ލެވަކޫސަން ދޫކޮށް ދިއުމަށް ބޭނުންވާކަން ކްލަބަށް އަންގާފައެވެ.

Ad by Hajj Corporation

މިދިޔަ ސީޒަންގައި 14 ލަނޑާއި 12 އެސިސްޓް ހޯދި ފްރިމްޕޮންގް ވަނީ 2024/25 ސީޒަންގައި މިހާތަނަށް 5 ލަނޑާއި 12 އެސިސްޓް ހޯދާފައެވެ. މި ތަފާސްހިސާބުތަކުން ދައްކުވައިދެނީ އޭނާގެ ވަރުގަދަ އެޓޭކިންގ ޤާބިލުކަމެވެ.

ލިވަރޕޫލްގެ އާ މެނޭޖަރު އާނެ ސްލޮޓް ދެކޭގޮތުގައި ފްރިމްޕޮންގްގެ ސްޕީޑާއި ތަފާތު ޕޮޒިޝަންތަކުގައި ކުޅެވުމުގެ ޤާބިލުކަމަކީ އޭނާގެ ކުޅުމުގެ ވަށްޓަފާޅިއަށް ވަރަށް އެކަށީގެންވާ ސިފަތަކެކެވެ.