ސެންޓަރ ފޮރ ހަޔަރ ސެކަންޑަރީ އެޑިޔުކޭޝަން (ސީއެޗްއެސްއީ) ގައި ދަރިވަރުންގެ ހާޒިރީ ރިކޯޑު ކުރުމަށް ފުރަތަމަ ފަހަރަށް އިލެކްޓްރޯނިކް އެޓެންޑެންސް ސިސްޓަމެއް ތަޢާރަފުކޮށް، ބޭނުންކުރަން ފަށައިފިއެވެ.

މި ސިސްޓަމަކީ ދަރިވަރުންގެ ހާޒިރީ ވަގުތުން ރިކޯޑުކޮށް، ހާޒިރީގެ ސައްހަކަން ކަށަވަރުކޮށްދޭ ނިޒާމެކެވެ.

Ad by Hajj Corporation

އެޑިޔުކޭޝަން މިނިސްޓްރީން މަޢުލޫމާތު ދެއްވި ގޮތުގައި، މި އައު ނިޒާމުގެ ސަބަބުން ސްކޫލަށް ހާޒިރީގެ ރިކޯޑުތައް ބެލެހެއްޓުމަށް ވަރަށް ބޮޑަށް ފަސޭހަވެގެންދާނެއެވެ.

އަދި މި ނިޒާމުގެ އެންމެ ފާހަގަކޮށްލެވޭ އެއް ޚާއްޞަ ކަމަކީ، ދަރިވަރު މވަރު މެޝިނުގައި ކާޑު ޖައްސާލުމާއެކު ބެލެނިވެރިޔާގެ ފޯނަށް އެސްއެމްއެސްއެއް މެދުވެރިކޮށް ދަރިވަރު ސްކޫލަށް ހާޒިރުވެއްޖެކަމުގެ މެސެޖެއް ލިބޭނެ ކަމެވެ.

މި އައު ނިޒާމު ތަޢާރަފުކުރުމާއެކު، ދަރިވަރުންގެ ހާޒިރީއާ ގުޅޭ މަޢުލޫމާތު އަވަހަށް އަދި ފަސޭހައިން ލިބި، ސްކޫލުގެ އިދާރީ މަސައްކަތްތައް އިތުރަށް ހަރުދަނާވެގެންދާނެ އެވެ.