މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް)ގެ ޗެއާޕާސަންގެ މަގާމަށް ނޫރައިން ޖަނާހު އައްޔަނުކުރައްވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)އިން މިއަދު އެކްސްގައި ކުރި ޕޯސްޓެއްގައި ބުނީ ނޫރައިން އެ މަގާމަށް އައްޔަން ކުރެއްވީ މިއަދު ކަމަށެވެ.

Ad by Hajj Corporation

ސަރުކާރުން ފުރަތަމަ ނޫރައިން އައްޔަނުކުރެއްވީ އެމްއެމްޕީއާރުސީގެ ޗެއާޕާސަންގެ މަގާމަށެވެ. އެމްއެމްޕީއާރްސީގެ ޗެއާޕާސަންގެ މަގާމަށް ނޫރައިން އައްޔަންކުރީ ޑިސެމްބަރު 27، 2023 ގައެވެ.

ނަމަވެސް އެމްއެމްޕީއާރްސީގެ ބޯޑު މެމްބަރުންގެ މެދުގައި އުފެދުނު ހިޔާލު ތަފާތުވުންތަކަކާ ގުޅިގެން މިދިޔަ އަހަރުގެ މެއި މަހުގެ 21 ވަނަ ދުވަހު ނޫރައިން ވަނީ މަގާމުން އިސްތިއުފާ ދެއްވާފައެވެ.

ނޫރައިން އަކީ ޕްރިންސިޕަލް އެޑްވައިޒަ ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓްގެ މަގާމުގައި ހުންނެވި މުހައްމަދު އަލީ ޖަނާހްގެ ދަރިކަނބަލުންނެވެ.