ޕްރިމިއަރ ލީގް ޗެމްޕިއަންސް ލިވަރޕޫލުން ބަޔަރ ލެވަކޫސެންގެ ޑިފެންޑަރ ޖެރެމީ ފްރިމްޕޮންގް ގެ ސޮއި ހޯދައިފިއެވެ. މި މައުލޫމާތު ދެ ކުލަބުން ވެސް ހުކުރު ދުވަހު ވަނީ ހާމަކޮށްފައެވެ.

މި ޓްރާންސްފަރގެ މާލީ ތަފްސީލުތައް ދެ ކުލަބުން ވެސް ހާމަކޮށްފައި ނުވި ނަމަވެސް، އިނގިރޭސި މީޑިއާތަކުން ރިޕޯޓުކުރި ގޮތުގައި 24 އަހަރުގެ ހޮލެންޑްގެ މި ކުޅުންތެރިޔާގެ ރިލީޒް ކްލޯޒްގެ އަގު ކަމުގައިވާ 35 މިލިއަން ޔޫރޯ (39.73 މިލިއަން ޑޮލަރު) ލިވަރޕޫލުން ވަނީ ދައްކާފައެވެ. ފްރިމްޕޮންގްގެ ކޮންޓްރެކްޓް ލެވަކޫސެންއާއެކު 2028 އާ ހަމައަށް ދެމިގެންދިޔައެވެ.

Ad by Hajj Corporation

Arnold ge badhalugai Frimpong liverpool ahFacebookViberTelegramXWhatsApp

މީޑިއާ ރިޕޯޓުތަކުން ބުނާ ގޮތުގައި ފްރިމްޕޮންގް ރަސްމީކޮށް ލިވަރޕޫލާ ގުޅޭނީ ޖޫން 1 ގައެވެ. އަދި އޭނާ ވަނީ ފަސް އަހަރުގެ އެއްބަސްވުމެއްގައި ސޮއިކޮށްފައެވެ.

ރައިޓް ބެކްގެ އިތުރުން ވިންގަރެއްގެ ގޮތުގައި ވެސް ކުޅެން ކުޅަދާނަ ފްރިމްޕޮންގްއަކީ 2023-24 ސީޒަންގައި ޖަރުމަނު ޑަބަލް ހޯދި ލެވަކިއުޒަން ޓީމުގެ މުހިންމު ކުޅުންތެރިއެކެވެ. މި ސީޒަންގައި އެންމެހާ މުބާރާތްތަކުގައި އޭނާ ވަނީ 14 ލަނޑާއި 12 އެސިސްޓް ހޯދާފައެވެ.