މެންޗެސްޓަރ ސިޓީގެ ކެޕްޓަން ކެވިން ޑިބްރޭނާ އަށް އިޓަލީގެ ޗެމްޕިއަން ނަޕޯލީއަށް ބަދަލުވުމުގެ އެންމެހައި ކަންކަން ނިމިފައިވާކަމަށް ރިޕޯރޓްތައްބުނެއެވެ.

އިނގިރޭސި ޕްރިމިއަރ ލީގުގައި ފާއިތުވި 10 އަހަރު ތެރޭގައި ފެނުނު އެންމެ ފާހަގަކޮށްލެވޭ މިޑްފީލްޑަރ އަދި ސިޓީ ތާރީޚުގައި ހޯދާފައިވާ ބޮޑެތި ކާމިޔާބީތަކުގެ އެންމެ ބޮޑު މޭސްތިރިކަމުގައިވާ ޑިބްރޭނާ އަށް ނަޕޯލީން ހުށަހަޅަނީ ދެ އަހަރު ދުވަހުގެ އެއްބަސްވުމެކެވެ.

Ad by Hajj Corporation

އުމުރުން 33 އަހަރުގެ ޑިބްރޭނާ ސިޓީން ވަކިވަނީ ކުލަބުން ޒުވާން ކުޅުންތެރިންނަށް އިސްކަންދިނުމުގެ ސިޔާސަތުގެ ދަށުން އޭނާގެ އެއްބަސްވުން އައުނުކުރުމުންނެވެ.

އިނގިރޭސި ޕްރިމިއަރ ލީގުގެ ލިވަޕޫލުން ވެސް އޭނާއަށް ޝައުޤުވެރިކަން ފާޅުކޮށްފައިވާ ކަމަށް ބައެއް މީޑިއާ ރިޕޯޓުތަކުގައި ބުނެއެވެ.
ސިޓީއިން ދަނީ ޑިބްރޭނާގެ ބަދަލުގައި އޭސީ މިލާނުގެ މިޑްފީލްޑަރ އަދި މިސީޒަނުގައި އިޓާލިއަން ލީގުގެ ނިމިދިޔަ ސީޒަނުގެ އެންމެ މޮޅު މިޑްފީލްޑަރަށް ހޮވުނު ޓިޖާނީ ރެއިންޑަރސް އަދި ލިޔޯންގެ އޭޓޭކަރ ރަޔަން ޗަރކީގެ ސޮއި ހޯދުމަށް މަސައްކަތްކުރަމުންނެވެ. ސިޓީގެ އުއްމީދަކީ ކުލަބް ވޯލްޑްކަޕްގެ ކުރިން މިދިކުޅުންތެރިންގެ ސޮއި ހޯދުމެވެ.