އީދު ފާހަގަކުރުމަށް މާލެ ސަރަހައްދުގައި މިއަދު ހަވީރު ގިނަ ހަރަކާތްތަކެއް ކުރިއަށް ގެންގޮސްފި އެވެ.

އީދު ފާހަގަކުރުމަށް ގިނަ ހަރަކާތައްތަކެއް ކުރިއަށް ގެންދިޔަ އިރު މިއަދު މުޅި ރާއްޖޭގެ އެކި ކަންކޮޅުތަކުގައި ބޮޑު ޖަމާއަތުގައި ވަނީ އީދު ނަމާދު ކޮށްފަ އެވެ.

Ad by Hajj Corporation

އީދު ހަވީރު 1446 ގެ ނަމުގައި މާލޭ ސަރަހައްދުގައި ސަރުކާރުގެ އިދާރާތަކާއި ކުންފުނިތައް ގުޅިގެން ސިފައިން އިސް ނަގައިގެން މިއަދު ހަވީރު ގިނަ ހަރަކާތައްކެއް ވަނީ ކުރިއަށްގެންގޮސްފަ އެވެ. މި ހަރަކާތްތަށް ބާއްވަނީ ގައުމީ ފެންވަރުގަ އެވެ. އަދި މިއީ ރައީސް މުހައްމަދު މުއިއްޒުގެ އިސްނެގެވުމަށް ބާއްވާ ހަރަކާތެއްކަން ސިފައިން ފާހަގަކުރި އެވެ. 

ސަރުކާރު ވުޒާރާތަކާއި ދައުލަތުގެ އެކި މުއައްސަސާތަކާއި ކުންފުނިތަކުގެ ބައިވެރިވުމާ އެކު ދިވެހިރާއްޖޭގެ ގައުމީ ދިފާޢީ ބާރުން އިންތިޒާމްކޮށްގެން މިއަދާ މާދަމާ ކުރިއަށްގެންދަން ނިންމަވާފައިވާ ޢީދުގެ ހަރަކާތްތައް އޮންނާނީ، މާލޭގައި ސަލްޓަން ޕާކާއި، ޖުމްހޫރީ މައިދާނުގެ އިތުރުން ހުޅުމާލޭގެ ސެންޓްރަލް ޕާކާއި، ހުޅުމާލޭ ދެވަނަ ފިޔަވަހީގެ ހިޔާ ޕާކް ސަރަހައްދުގައެވެ.

މި ހަރަކާތައްތައް ރާވަފައި ވަނީ ވީހާ ވެސް ގިނަ ބަޔަކަށް ބައިވެރިވެވޭ ގޮތަށް އަދި އެކި އުމުރުފުރާގެ ކުދިންނާއި މީހުން ވެސް ޝައުގުވެރިވާނެހެން ތަފާތު ހަރަކާތްތަކާއި ކުޅިވަރުތައް ހިމަނައިގެން ކަމަށް އެމްއެންޑީއެފްއިން ބުނެ އެވެ. މި ހަރަކާތްތަކުގައި، ރާއްޖޭގެ އިހުގެ ސަގާފަތާއި އިހުގައި ދިވެހިން ކުޅެއުޅުނު ކުޅިވަރުތައް ސްޓޯލްތަކުން ދައްކާލުމަށް ވަނީ ހަމަޖެހިފައި އަދި ޒަމާނީ ކެރެކްޓާތައް ވެސް ދައްކާލާފައިވެ އެވެ.

އީދު ހަވީރުގައި ސީދާ އެމްއެންޑީއެފްއިން ކުރިއަށްގެންދާ ހަރަކާތްތަކުގެ ގޮތުގައި ސިފައިންނާއި ފުލުހުންގެ ޔުނިފޯމްތަކާއި އޮޕަރޭޝަންތަކުގައި ބޭނުންކުރާ އެކިކަހަލަ ހަތިޔާރުތަކާއި އެއްގަމާއި ކަނޑުމަތީ ބޭނުންކުރާ އެކި އުޅަނދުތައް ދައްކާލުމާއި އެ ތަކެއްޗާ އެކު ފޮޓޯ ނެގުމާއި ކުޑަކުދިންނަށް އެތަކެތި ތަޖުރިބާ ކޮށްލާނެ ފުރުސަތުތައް ވަނީ ފަހިކޮށްދީފަ އެވެ. މީގެ އިތުރުން ފޯމްބާތް ޕޫލަކާއި ފެންކުޅީގެ އެކި ހަރަކާތްތައްވެސް ކުރިއަށް ގެންގޮސްފައިވެ އެވެ.