މިފަހަރުގެ އަޞްޙާ ޢީދު ފާހަގަކުރުމުގެ ގޮތުން، އިސްރާޢީލް ވެރިރަށް ޓެލްއަވީވް ގައި ހުންނަ އެ ސީޓީގެ އެންމެ އުސް ޓަވަރަށް ޑްރޯން ޙަމަލާއެއް ދޭ މަންޒަރު ދައްކާލުމަށްޓަކައި މާފަރު ރައްޔިތުން ތައްޔާރުވެއްޖެއެވެ.

މިއީ ޔަމަނުގެ ހޫޘީން އިސްވެއޮވެ ދޭން އުޅޭ ޙަމަލާއެއް ކަމަށާއި މިފަހަރުގެ ޢީދުގައި އެ މަންޒަރު މާފަރު ރައްޔިތުންނަށް ދައްކާލުމަށް ވަރަށް ފުރިހަމައަށް ތައްޔާރުވަމުން އަންނަކަމަށް މިކަން ރާވާ އިންތިޒާމު ކުރުމުގައި އިސްކޮށް ހަރަކާތްތެރިވަމުން އަންނަ ފަރާތަކުން މި ނޫހަށް ވަނީ މަޢުލޫމާތު ދީފައެވެ.

އިމާރާތް އެޅުމުގެ މަސައްކަތުގެ ތެރެއިން

ނ.މާފަރުގައި މިފަހަރުގެ ޢީދު ކުލަގަދަކޮށް ފާހަގަކުރުމަށް ތައްޔާރުވަމުން އަންނައިރު، މީގެ ކުރިން ފާހަގަކުރި ބައެއް ޢީދު ތަކުގައި ވަނީ އެމެރިކާގެ ވޯލްޑް ޓްރޭޑް ސެންޓަރަށް ދިން ޙަމަލާއެއްވެސް ދައްކާލާފައެވެ. ޢީދުގެ އެންމެހާ ހަރަކާތްތައް ރާވާ އިންތިޒާމު ކުރާ ކޮމެޓީއިން މަޢުލޫމާތު ދޭ ގޮތުގައި މިފަހަރު ޢީދުގައިވެސް ތަފާތު ގިނަ ހަރަކާތްތަކެއް ފެންނާނެއެވެ. އަދި މި ކުޅިވަރުތައް ބަލާލުމަށް ވީހާވެސް ގިނަ މީހުން މާފަރަށް ޒިޔާރަތް ކުރުމަށް ދަޢުވަތުދޭ ކަމަށްވެސް އިންތިޒާމު ކޮމެޓީން ވަނީ ބުނެފައެވެ.

މާފަރުގައި ގޮއްވާލި އެމެރިކާގެ ޓްރޭޑް ސެންޓަރު

ޙައްޖު ދުވަހާއި އަޟްޙާ ޢީދާ ގުޅިގެން ބަންދުވާނީ، މިހާރުވެސް ކަލަންޑަރުގައި ބަންދުކަމަށް ކަނޑައަޅާފައިވާ 4 ދުވަސްކަމަށް ސަރުކާރުން ވަނީ ހާމަކޮށްފައެވެ. ސަރުކާރުން މިހެން ވިދާޅުވެފައިވަނީ ޙައްޖު ދުވަހާއި ޢީދު ބަންދުގެ ގޮތުގައި ކަލަންޑަރުގައި ފާހަގަކޮށްފައިވާ ދުވަސްތަކުގެ ފަހުން އެހަފްތާގެ ދެންހުރި ދުވަސްތައްވެސް ބަންދުކުރަން ފެންނަކަމަށް ބައެއް ފަރާތްތަކުން ސޯޝަލް މީޑިއާގައި ޚިޔާލު ފާޅުކުރަމުންދަނިކޮށެވެ.

ރައީސުލްޖުމްހޫރިއްޔާގެ އޮފީހުގެ ތަރުޖަމާނު ހީނާ ވަލީދު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، ކަލަންޑަރުގައިވާގޮތަށް ޙައްޖު ދުވަހަކީ އަންނަ ހަފުތާގެ ބުރާސްފަތި ދުވަސްކަމަށްވުމުން މިހާރު ބަންދުކުރަން ނިންމާފައިވާ ދުވަސްތައް ފިޔަވާ އިތުރު ދުވަހެއް ބަންދުނުވާނެ ކަމަށެވެ. ކަލަންޑަރުގައިވާ ގޮތުން ޙައްޖު ދުވަހަކީ ޖޫން މަހުގެ 5އެއްވާ ބުރާސްފަތި ދުވަހެވެ. އެހެން ކަމުން މިއަހަރުގެ އަޟްހާ ޢީދު ދުވަހަކީ ޖޫން މަހުގެ 6 ވާ ހުކުރު ދުވަހެވެ.