ބްރެންޓްފޯޑްގެ މެނޭޖަރު ތޯމަސް ފްރޭންކް ޓޮޓެންހަމްގެ އައު ކޯޗުގެ ގޮތުގައި ގެންނަން ނިންމާފައިވާކަމަށް ރިޕޯޓްތަކުން ބުނަން ފަށައިފިއެވެ.

އެގޮތުން އޭނާގެ ސޮއި ހޯދުމަށް 10 މިލިއަން ޕައުންޑް ދޭން ޖެހޭނެ ކަމަށް ޓެލެގްރާފުން ރިޕޯޓުކުރެއެވެ. އޭންޖް ޕޮސްޓެކޮގްލޫ ވަކިކުރުމަށްފަހު ކްލަބުގެ އައު މެނޭޖަރެއްގެ ގޮތުގައި ފްރޭންކް ގެނައުމަށް ދެ ކްލަބުން މަޝްވަރާތައް ކުރިއަށް ގެންދާ ކަމަށް އެ ނޫހުން ބުނެފައިވެއެވެ.

ބްރެންޓްފޯޑް ޕްރިމިއަރ ލީގަށް ގެނެސް، އިނގިރޭސި ފުޓްބޯޅައިގެ މަތީ ޑިވިޜަންގައި ވަރުގަދަ ވާދަވެރިއެއްގެ ގޮތުގައި އެ ޓީމު ތަރައްގީކުރި ފްރޭންކް ދޫކޮށްލުމަށް ބްރެންޓްފޯޑުން ބޮޑު އަގެއް ހުށަހަޅާފައިވާ ކަމަށް ވެއެވެ.

ޔޫރަޕާ ލީގު ކާމިޔާބުކުރި ނަމަވެސް، ޕްރިމިއަރ ލީގުގައި 17 ވަނައަށް ޓޮޓެންހަމް ވެއްޓުމާ ގުޅިގެން ޕޮސްޓެކޮގްލޫ ވަކިކުރުމަށްފަހު، އޭނާގެ ބަދަލުގައި ޓީމު ހަވާލުކުރުމަށް 51 އަހަރުގެ ފްރޭންކް ޝައުގުވެރިކަން ފާޅުކޮށްފައިވެއެވެ. އަދި އޭނާގެ އެހީތެރި ކޯޗުންވެސް ޓޮޓްނަމްއަށް ގެންދިއުމަށް ބޭނުންވާ ކަމަށް ވެއެވެ.