ފުޓްބޯޅަ ދުނިޔޭގެ އެންމެ އަގުހުރި އެވޯޑް ކަމަށްވާ ބެލޯން ޑީ އޯރ މި އަހަރު ކާމިޔާބު ކުރާނީ ބާސެލޯނާގެ ޒުވާން ކުޅުންތެރިޔާ ލަމިން ޔަމާލް ކަމަށް މަޝްހޫރު ފުޓްބޯޅަ ނޫސްވެރިޔާ ފެބްރިޒިއޯ ރޮމާނޯ ބުނެފިއެވެ.

އިންޓަވިއުއެއްގައި ވާހަކަ ދައްކަވަމުން ރޮމާނޯ ވިދާޅުވީ:

Ad by Hajj Corporation

 "ލަމިން ޔަމާލް ބެލޯން ޑީ އޯރ ކާމިޔާބު ކުރާނެތަ؟ އަހަރެންގެ ޖަވާބަކީ އާނއެކޭ. އަހަރެންގެ އެހެން ނޫސްވެރި އެކުވެރިންނާ ވެސް ވާހަކަ ދެއްކުމަށްފަހު އަހަރެން ދަންނަވާނީ އާނއެކޭ" ކަމަށެވެ.

"ލަމިން ދައްކުވައިދޭ ޖާދޫވެރި ކުޅުން އެހެން އެއްވެސް ކުޅުންތެރިއަކަށް ނުދެއްކޭނެ" ކަމަށް ރޮމާނޯ އިތުރަށް ވިދާޅުވި އެވެ.

މި ސީޒަންގައި ބާސެލޯނާ އަށް ކުޅެމުން ލަމީން ވަނީ ގިނަ ގޯލުތަކާއި އެސިސްޓް ހަދައި، ޓީމަށް ތިން މުހިންމު ތަށި ހޯދައިދީފަ އެވެ. އޭނާގެ ހުނަރުވެރި ކުޅުމާއި، ގޯލު ޖެހުމުގެ ޤާބިލުކަމަށް ބަލާއިރު އޭނާ އަކީ މި އަހަރުގެ ބެލޯން ޑީ އޯރ އަށް އެންމެ ވާދަކުރާނެ ކަމަށް ބެލެވޭ ކުޅުންތެރިއެކެވެ.

ލަމީންޔަމާލްގެ އިތުރުން މިއެވޯޑަށް މިއަހަރު އެންމެ ވާދަކުރާނެ ކަމަށް ބެލެވޭ ކުޅުންތެރިންނަކީ ޕީއެސްޖީގެ ޑެމްބެލޭ އާއި ބާސެލޯނާގެ ރަފީނިޔާގެ އިތުރުން ލިވަރޕޫލުގެ މުޙައްމަދު ސަލާޙުއެވެ.