އެޓްލާންޓާގެ މަރސިޑީޒް-ބެންޒް ސްޓޭޑިއަމްގައި ކުޅުނު ކްލަބް ވޯލްޑްކަޕްގެ ގްރޫޕް ޑީގެ ފުރަތަމަ މެޗުގައި ޗެލްސީން ލޮސް އެންޖެލެސް އެފްސީ (އެލް.އޭ ގެލެކްސީ) 2-0 އިން ބަލިކޮށްފިއެވެ. 71،000 މީހުންގެ ޖާގައިގެ ސްޓޭޑިއަމްގައި މި މެޗު ބެލުމަށް ޙާޟިރުވީ އެންމެ 22،137 ސަޕޯޓަރުންނެވެ.

މިމެޗުގައި އިޕްސްވިޗް އިން 30 މިލިއަން ޕައުންޑަށް މިޓްރާންސްފަރ މާކެޓްގައި ގަނެފައިވާ ލިއަމް ޑެލަޕް ދެވަނަ ހާފުގައި ބަދަލުކޫލުންތެރިއެއްގެ ގޮތުގައި ނިކުމެ ރަނގަޅު ކުޅުމެއް ދައްކައި، އެންޒޯ ފަނާންޑޭޒްގެ ލަނޑު ޖެހުމުގައި އެހީތެރިވެދިނެވެ. މީގެ ކުރިން ޕެޑްރޯ ނެޓޯ ވަނީ ފުރަތަމަ ހާފުގައި ފުރަތަމަ ލަނޑު ޖަހާފައެވެ.

ވޯލްޑްކަޕް ކާމިޔާބުކޮށްފައިވާ އޮލިވިއޭ ޖިރޫޑް އަދި ހިއުގޯ ލޯރިސް ހިމެނޭ އެލް.އޭ ގެލެކްސީ އަށް ޑެނިސް ބުއާންގާ އަދި ޑޭވިޑް މާޓިނެޒް މެދުވެރިކޮށް ލިބުނު ފުރުސަތުތައް ބޭނުން ނުކުރެވުނެވެ.

މެޗަށް މަދު ބަޔަކު ޙާޟިރުވި ސަބަބުތަކުގެ ތެރޭގައި ޓިކެޓް އަގު ބޮޑުވުމާއި، މާކެޓިންގ މަދުވުމާއި، ހަފުތާ ދުވަހެއްގެ މެންދުރުފަހު 3 ގައި މެޗު ބޭއްވުން ހިމެނެއެވެ. އަދި ހަމަ އެ ދުވަހު އެޓްލާންޓާގައި ބޭއްވުނު ޔޫއެފްސީ ފައިޓާއި ޕަވަރ ރޭންޖަރސް ކޮންވެންޝަން ފަދަ އިވެންޓްތަކުގެ ސަބަބުން ވެސް މެޗަށް މަދު ބަޔަކު ޙާޟިރުވިއެވެ.

ޗެލްސީ ދެން ކުޅޭނީ ހުކުރު ދުވަހު ފިލަޑެލްފިއާގައި ފްލަމެންގޯ އާ ދެކޮޅަށެވެ. އަދި އެލް.އޭ ގެލެކްސީ ކުޅޭނީ ނޭޝްވިލްގައި އީއެސް ޓޫނިސް އާ ދެކޮޅަށެވެ. މީގެ އިތުރުން ގްރޫޕް ޑީގެ ދެވަނަ މެޗުގައި ރޭގައި ބްރެޒިލްގެ ފްލެ،މިންގޯ ވަނީ ތޫނިސްގެ އެސްޕަރެންސް އަތުން 2-0 އިން މޮޅުވެފައެވެ.