ހަރަދުތައް ހަމަޖެއްސުމަށްޓަކައި 911.3 މިލިއަން ރުފިޔާގެ ހަތަރު ޓީބިލްއެއް ވިއްކައިފިއެވެ.

ފިނޭންސް މިނިސްޓްރީން ޢާންމު ކުރި ތަފާސް ހިސާބުތަކުހް އެނގޭ ގޮތުގައި ހަތަރު ޓީބިލެއް ވިއްކާފައިވަނީ 3.50 އާއި 4.60ގެ ދެމެދުގެ އިންޓްރެސްޓްއަކަށެވެ.

Ad by Hajj Corporation

އެގޮތުން އެ ވުޒާރާއިން ވިއްކާފައިވަނީ، އަންނަ ޖުލައި މަހުގެ 14 ވަނަ ދުވަހުގެ ނިޔަލަށް އަނބުރާ ދައްކާ 185 މިލިއަން ރުފިޔާގެ ޓީބިލަކާއި، މި އަހަރުގެ ސެޕްޓެމްބަރު 22 ގެ ނިޔަލަށް އަނބުރާ ދައްކާ 178 މިލިއަން ރުފިޔާގެ ޓީބިލެއްގެ އިތުރުން، މި އަހަރުގެ ޑިސެމްބަރު 15 ގެ ނިޔަލަށް އަނބުރާ ދައްކަންޖެހޭ 90 މިލިއަން ރުފިޔާގެ ޓީބިލެކެވެ. އަދި އަންނަ އަހަރުގެ ޖޫން 15 ގެ ނިޔަލަށް އަނބުރާ ދައްކާ 458.3 މިލިއަން ރުފިޔާގެ ޓީބިލެއް ވެސް އޭގެ ތެރޭގައި ހިމެނެއެވެ.

ޓީބިލަކީ ގަވަރުމަންޓް ސެކިއުރިޓީޒްގެ ތެރޭގައި ހިމެނޭ ކުރު މުއްދަތުގެ ސެކިއުރިޓީ އެކެވެ. އެގޮތުން މި ޓީބިލްތައް ޢާންމުކޮށް ގަންނަނީ  ޕެންޝަން ފަންޑާއި ބައެއް ބޭންކުތަކާއި ސަރުކާރު ހިއްސާވާ ބައެއް ކުންފުނިތަކުންނެވެ. މީގެ އިތުރުން އަމިއްލަ ބައެއް ކުންފުނިތަކުންވެސް ޓީބިލް ގަނެއެވެ.