ޔަހޫދީން ލުބުނާނަށް ހަމަލާދޭން ފަށައިފިއެވެ.

ޔަހޫދީން ހަމަލާތައް ދޭން ފެށީ ހިޒުބުﷲއަށް އަމާޒުކޮށެވެ. ހަމަލާތަކުގައި މިހާތަނަށް އެކަކު ޝަހީދުވެ 11 މީހަކު ވަނީ ޒަހަމްވެފައެވެ.

Ad by Hajj Corporation

ލުބުނާނު ސަރުކާރުން ބުނީ ނަބަތިއްޔާގެ މަތީގައިވާ ފަރުބަދަތަކަށް ދެ ފަހަރެއްގެ މަތިން ހަމަލާދީ، ބަންކަރ ބަސްޓަރ ބޮން ބޭނުންކޮށްގެން ޔަހޫދީން ހަމަލާދީފައިވާކަމަށެވެ.

އެމެރިކާ މެދުވެރިވެގެން ނޮވެމްބަރުމަހު އިސްރާއީލާއި ހިޒްބުﷲ އާ ދެމެދު 14 މަސްދުވަހުގެ ހަނގުރާމަ ހުއްޓާލުމުގެ އެއްބަސްވުމެއް ވެވުނު ފަހުންވެސް އިސްރާއީލުން ދަނީ ކޮންމެ ދުވަހަކު ކަހަލަ ގޮތަކަށް ލުބުނާނުގެ ދެކުނަށް ވައިގެ ހަމަލާތައް ދެމުންނެވެ. މިއަދުގެ ހަމަލާތައް އާދަޔާ ހިލާފަށް ގަދަފަދަ ކަމަށް ރިޕޯޓުތައް ބުނެއެވެ.

ލުބަނާނުގެ ބޮޑުވަޒީރު ނަވާފް ސަލާމް ވެސް ވަނީ އިސްރާއީޅުން ދިން މި ހަމަލާތައް ކުށްވެރިކުރައްވާފައެވެ. އެގައުމުގެ ރައީސް ޖޯސެފް އައުންވެސް ވަނީ ހަމަލާތައް ހުއްޓުވައިދިނުމަށް ބައިނަލްއަގްވާމީ އެހީތެރިކަމަށްވެސް އެދިފައެވެ.