ޣައްޒާގެ ސަލާމަތީކަންކަން ބަލަހައްޓާ ހަމާސްއިން ޙަމަލާތައް ހުއްޓާލުމުގެ ހުއްޓާލުމުގެ އެއްބަސްވުމަކަށް އެއްބަސްވުމާއެކު، ނިރުބަވެރި ޔަހޫދީ ދައުލަތުން ޣައްޒާގެ ރައްޔިތުންނަށް ދެމުންދާ ޙަމަލާތައް އިތުރަށް ވަރުގަދަކޮށްފިއެވެ.

ފަތިހު ފެށުނު މި ހަމަލާތަކުގެ ސަބަބުން ޣައްޒާގެ ހާލަތު ވަނީ ވަރަށް ބޮޑަށް ގޯސްވެފައެވެ. އެންމެ ނުރައްކާތެރި އެއް ވައިގެ ހަމަލާ ދީފައިވަނީ އަލް-މަވާސީ ސަރަހައްދުގައި ހަދާފައިވާ ވަގުތީ ފޭލިގެއަކަށެވެ. މި ހަމަލާގައި އެއް އާއިލާގެ ހަތް މީހުން ވަނީ ޝަހީދުވެފައިވެއެވެ.

Ad by Hajj Corporation

މީގެ އިތުރުން، ޣައްޒާގެ ރައްޔިތުންނަށް ބޯހިޔާވަހިކަން ދީފައިވާ ސްކޫލަކަށް ވެސް މިއަދު އިޒްރޭލުން ވަނީ ހަމަލާ ދީފައިވެއެވެ. މި ހަމަލާގައި މަދުވެގެން ފަސް މީހުން ޝަހީދުވެފައިވެއެވެ.

ބޭރުގެ ނޫސްތަކުން ރިޕޯޓުކުރާ ގޮތުގައި، ފަތިހު ފެށުނު އިޒްރޭލުގެ ހަމަލާތަކުގައި މިހާތަނަށް މަދުވެގެން 29 ފަލަސްޠީނުގެ ރައްޔިތުން ޝަހީދުވެފައިވެއެވެ.

ޙަމަލާތައް ހުއްޓާލުމުގެ އެއްބަސްވުމަކަށް އައުމާއެކު ވެސް އާންމުން ޝަހީދުކުރުމަކީ މީގެ ކުރިންވެސް އިޒްރޭލުން އާންމުކޮށް ކުރާ ކަމެއްކަން ބައިނަލްއަޤްވާމީ މީޑިއާތަކުން ފާހަގަކުރެއެވެ.