ފަލަސްޠީނުގެ މިނިވަން ކަމަށާއި ފަލަސްޠީނުގެ ރައްޔިތުންގެ ޙައްޤުގައި ވަކާލާތު ކުރާ ޖަމުޢިއްޔާއެއް ކަމުގައިވާ ޕަލަސްޓައިން އެކްޝަން ގުރޫޕަށް ނިސްބަތްވާ 20 މެންބަރުން އިނގިރޭސިވިލާތުގެ ވެރިރަށް ލަންޑަނުގައި ހައްޔަރު ކޮށްފިއެވެ.

އެ މީހުން ހައްޔަރު ކޮށްފައި ވަނީ ނިރުބަވެރިކަން މަނާކުރާ ޤާނޫނު ދަށުން އެ ޖަމުޢިއްޔާއަކީ ނިރުބަވެރި ޖަމާޢަތެއްގެ ގޮތުގައި އިނގިރޭސި ސަރުކާރުން ކަނޑައެޅުމާ އެކުގައެވެ.

Ad by Hajj Corporation

މި ގުރޫޕަކީ ނިރުބަވެރި ޖަމާޢަތެއްގެ ގޮތުގައި އިނގިރޭސި ސަރުކާރުން ކަނޑައަޅާފައިވީ ނަމަވެސް، މިއީ ފަލަސްޠީނުގެ މުސްލިމުންނާ ދެކޮޅަށް ޔަހޫދީން ހިންގަމުންދާ ލާއިންސާނީ ޖަރީމާތަކުގައި ބައިވެރިވެ، އިނގިރޭސި ސަރުކާރުން އެ ކަމުގައި އެހީތެރިކަން ފޯރުކޮށްދެމުން ދިޔުމާ މެދު ނުރުހުން ފާޅު ކުރުމުގެ ގޮތުން ހިންގާފައިވާ އަމަލެއް ކަމަށް އެ ޖަމްޢިއްޔާއިން ވަނީ ބުނެފައެވެ.

އިނގިރޭސި ސަރުކާރުން ދަނީ ޔަހޫދީންގެ ޖަރީމާތަކަށް ހިތްވަރު ދިނުމުގެ ގޮތުން އެ މީހުންނަށް މަދަދުވެރިވަމުންނެވެ. އިނގިރޭސި ސަރުކާރުން ބުނީ، އެ ކަމާ ދެކޮޅަށް އަޑުއުފުލުގެ ގޮތުން ޕަލަސްޓައިން އެކްޝަން ގުރޫޕުން ހިންގަމުންދާ ހަރަކާތްތަކަކީ ނިރުބަވެރި ކަމުގެ އަމަލުތަކެއް ކަމުގައެވެ. ނަމަވެސް، ތަޖުރިބާކާރުން އެ ތުހުމަތަށް އިންކާރު ކުރެއެވެ.

މި ގުރޫޕުގެ ހަރަކާތްތައް މަނާ ކުރުމަށް އިނގިރޭސި ސަރުކާރުން ނިންމުމާ އެކު، އެ ޖަމާޢަތަށް ތާޢީދު ކުރާ އެތަކެއް ސަތޭކަ ބަޔަކު ވަނީ ޤާނޫނު ހަދާ މަޖިލިސް ކައިރިއަށް އެއްވެ، ނުރުހުން ފާޅު ކޮށްފައެވެ.