ތިނަދޫ ހޮސްޕިޓަލްގައި ބްލަޑް ބޭންކެއް ހުޅުވައިފި
އަޙްމަދު ޒަލީފް21 ސެޕްޓެމްބަރު 2024 - 07:54
ތިނަދޫގައި ހުންނަ ގދ. ތިނަދޫ އަބްދުއްސަމަދު މެމޯރިއަލް ހޮސްޕިޓަލްގައި ބްލަޑް ބޭންކެއް ހުޅުވައިފި އެވެ.
މި ބްލަޑް ބޭންކް ހުޅުވައި ދެއްވީ ހެލްތު މިނިސްޓަރު ޑރ. އަބްދުﷲ ހަލީލެވެ.
ތިނަދޫ ހޮސްޕިޓަލްގައި ބްލަޑް ބޭންކް އެއް ހުޅުވުން
ތިނަދޫ ހޮސްޕިޓަލްގައި ބްލަޑް ބޭންކެއް ހުޅުވީ އެ ހޮސްޕިޓަލަށް 55 އަހަރު ފުރުން ފާހަގަކުރުމުގެ ގޮތުން ބޭއްވި ހަފުލާއެއްގަ އެވެ. މި ސަރުކާރުން ވަނީ ލޭ ހޯދުން ފަސޭހަ ކުރުމުގެ ގޮތުން ރާއްޖޭގެ އެކި ހިސާބުތަކުގައި ބްލަށް ބޭންކް ގާއިމު ކުރަން ނިންމައިފަ އެވެ.
މި ހަފްލާގައި ވާހަކަފުޅު ދައްކަވަމުން މިނިސްޓަރ ވިދާޅުވީ ތިނަދޫގައި ޓާޝަރީ ލެވެލް އަށް ސިއްހީ ޚިދުމަތް ދެވޭ ގޮތް ހަދަން ރާވާފައިވާ ކަމަށާއި މި އަހަރު ނުވަތަ އަންނަ އަހަރު އެކަމާ ގުޅުންހުރި މަސައްކަތްތަކެއް ކުރާނެ ކަމަށެވެ. އަދި ތިނަދޫ ހޮސްޕިޓަލުގައި ވެލްނެސް ސެންޓަރާއެކު އާބަން ޕްރައިމަރީ ހެލްތު ކެއާ ސެންޓަރެއް ވެސް ގާއިމު ކުރަން ނިންމާފައިވާ ކަމަށް ވިދާޅުވި އެވެ.
ތިނަދޫ ހޮސްޕިޓަލްގައި ބްލަޑް ބޭންކް އެއް ހުޅުވުން
ތިނަދޫ ޓާޝަރީ ހޮސްޕިޓަލުގެ މަސައްކަތުގެ މަޝްރޫއު ޗައިނާގެ ނެޝަނަލް އިލެކްޓްރިކަލް އިންޖިނިއަރިން ކޮމްޕެނީ (ސީއެންއީސީ) އާ ހަވާލުކޮށްފައި ވަނީ މިދިޔަ އަހަރުގެ އޮގަސްޓު 30 ގަ އެވެ.
ކޮމެންޓް
