ދިއްދޫ ފުޓްބޯޅަ މުބާރާތުގައި އިއްޔެވެސް ފޯރިގަދަ ދެމެޗެއް ކުޅެފިއެވެ.

އިއްޔެ ހަވީރު ބީއެކްސް ސްޕޯރޓްސް އާއި ހީވެސްނުވޭ ވާދަކުރި މެޗު ކާމިޔާބުކުރީ ބީއެކްސް ސްޕޯރޓްއެވެ. ބޯވާރޭގައި ކުޅެވުނު މިމެޗުގެ 90 މިނެޓު ހަމަވީ 1-0 ންނެވެ. މިމެޗުގަ ހަމައެކަނި ގޯލުޖަހާފައިވަނީ މެޗުގެ 41 ވަނަ މިނެޓުގައި ބީއެކްސް ސްޕޯރޓްސް ގެ ޖޯޒީނަންބަރު 10 ހުސައިން މަސްދޫޤްއެވެ. މިމެޗުގެ މޮޅުކުޅުންތެރިޔަކަށް ހޮވިފައިވަނީވެސް މެޗުގެ ހަމައެކަނި ގޯލުޖެހި ބީއެކްސް ގެ ހުސައިން މަސްދޫޤްއެވެ.

Ad by Hajj Corporation

މީގެ އިތުރުން ރޭގައި ރިއަލް ޓީ ވަނީ މުބާރާތުގެ ދެވަނަ މޮޅުހޯދާފައެވެ. އެގޮތުން އައްސޭރި ފުޓްބޯލް ކުލަބުގެ މައްޗަށް 2-9 ގެ ތަފާތު ބޮޑު ނަތީޖާއަކުން މިމެޗު ރިއަލްޓީއިން ވަނީ ކާމިޔާބުކޮށްފައެެވެ. މިމެޗުގައި ރިއަލް ޓީގެ ފާއިޤް އަހުމަދު އަދި ބޭރު ކުޅުންތެރިޔާ ލަރބީ ޕްރިންސް ދެގޯލުކާމިޔާބުކޮށްފައިވާއިރު، ބޯޑު ޕްރިންސް އާއި ޖެރީ އާއި ނައުޝާދުގެ އިތުރުން ތައުމީން އާއި ލަޔާންވެސް ވަނީ ގޯލުޖަހާފައެވެ. މިމެޗުގެ މޮޅުކުޅުންތެރިޔަކަށް ހޮވިފައިވަނީ ރިއަލް ޓީގެ ލަރބީ ޕްރިންސް އެވެ.

މިމުބާރާތުގައި މިރޭގައި ދިއްދޫ ޒުވާނުންގެ ޖަމިޢްޔާ އާއި ޓީނޭޖާއި ވާދަކުރާނެއެވެ. މިމުބާރާޓުގެ ހުރިހާ މެޗެއްވެސް މެންދުރުޓީވީ އިން ލައިވް ކުރާނެއެވެ.