އިޓަލީގެ ޔުވެންޓަސްއިން ޕޯޗުގީޒް ޑިފެންޑަރު ޖޯއާއޯ މާރިއޯ އެފްސީ ޕޯޓޯއިން ސޮއި ކުރިކަން އިއުލާން ކޮށްފިއެވެ.

25 އަހަރުގެ ޑިފެންޑަރު ޔުވެންޓަސްއާއެކު ސޮއިކޮށްފައިވަނީ 2030 ވަނަ އަހަރުގެ ޖޫން މަހުގެ ނިޔަލަށް ދެމިގެންދާ ފަސް އަހަރު ދުވަހުގެ އެއްބަސްވުމެއްގައެވެ.

Ad by Hajj Corporation

މާރިއޯގެ ސޮއި ހޯދުމަށް ޔުވެންޓަސްއިން ވަނީ 12 މިލިއަން ޔޫރޯ ޚަރަދުކޮށްފައެވެ. އަދި މި މުއާމަލާތުގެ ތެރެއިން އަލްބަރްޓޯ ކޯސްޓާ ވަނީ ޕޯޓޯއަށް ބަދަލުވެފައެވެ.

އެފްސީ ޕޯޓޯގެ ޖާޒީގައި މާރިއޯ ވަނީ ޖުމްލަ 181 މެޗެއް ކުޅެ، ފަސް ލަނޑު ޖަހައި، 28 އެސިސްޓް ދީފައެވެ.

ޔުވެންޓަސްގެ ޑިފެންސް ވަރުގަދަ ކުރުމަށް މާރިއޯ ސައިން ކުރުމަކީ ކްލަބަށް ލިބިގެންދާނެ ބޮޑު ކުރިއެރުމެއް ކަމަށް ފުޓްބޯޅަ މާހިރުން ފާހަގަކުރެއެވެ.