އެމްއެލްއެސް އޯލްސްޓަރ މެޗުގައި މެސީ ބައިވެރި ނުވުމާއި ގުޅިގެން އެމްއެލްއެސް ގެ އެއްމެޗަށް އިންޓަރ މަޔާމީގެ ސްޓާ ކުޅުންތެރިޔާ ލިޔޮނެލް މެސީ އާއި ޖޯޑީ އަލްބާ ސަސްޕެންޑްކޮށްފިއެވެ.

އެމްއެލްއެސް އޯލްސްޓާރ ޓީމުގައި ވާދަކުރާނެ ކުޅުންތެރިން ކަނޑައަޅަނީ ސަޕޯޓަރުން ވޯޓުލައިގެންނެވެ. މިމެޗު އެމްއެލްއެސް އޯލްސްޓާރ ޓީމު ކުޅެފައިވަނީ މެކްސިކޯގެ އޯލްސްޓާރ ޓީމާއި ދެކޮޅަށެވެ. މިމެޗުގެ ލިސްޓުގައި މެސީގެ ނަން ހިމެނުނުނަމަވެސް އެއްވެސް ނޯޓިސް އެއް ނުދީ މެސީ އާއި އަލްބާ ވަނީ މެޗަށް ހާޒިރުވާން ދެކޮޅުހަދާފައެވެ.

Ad by Hajj Corporation

އެމްއެލްއެސްގެ ގަވާއިދު ބުނާގޮތުން އެއްވެސް ސަބަބެއް ނެތި އޯލްސްޓާރ މެޗު ކުޅެން ކުޅުންތެރިޔަކު ދެކޮޅުހަދައިފިނަމަ، އެންމެ އަވަހަށް ކުޅޭ ލީގު މެޗެއްގައި އެކުޅުންތެރިޔަކަށް ނުކުޅެވޭނެއެވެ. ތާވަލުގެ ތިންވަނައިގައި އޮތް އިންޓަރ މަޔާމީ ދެން ލީގުގައި އެންމެ އަވަހަށް ނިކުންނާނީ ތާވަލުގެ އެއްވަނައިގައިވާ ސިސިނާޓީ އާއި ދެކޮޅަށެވެ. އިންޓަރ މަޔާމީ ވަނީ މިމަހުގެ 17 ވަނަ ދުވަހު ސިސިނާޓީ އާއި ވާދަކޮށް 3-0 އިން ބަލިވެފައެވެ. މިއީ ލީގުގެ އެއްވަނަ މަޤާމަށް އިންޓަރ މަޔާމީ އަށް ވަރަށް މުހިންމު މެޗެއް ނަމަވެސް، މިމެޗުގައި މެސީ އަދި އަލްބާ އަށް ނުކުޅެވޭނެއެވެ.