ނ. މާޅެންދޫ ކައުންސިލް ފުޓްސަލް ޗެލެންޖް 2025 ގެ ޗެންޕިއަންކަން ކަބަޓާން އެސްސީ ހޯދައިފިއެވެ.

މުބާރާތުގެ ޗެންޕިއަންކަން ކަބަޓާން އެސްސީ އިން ހޯދީ ފައިނަލުގައި ކަބަޓާން އެފްޓީ 4-0 އިން ބަލިކޮށްގެންނެވެ. ފައިނަލް މެޗުގެ މޮޅުކުޅުންެތެރިޔަކަށް ހޮވުނީ ކަބަޓާން އެސްސީގެ މުޙައްމަދު ފާސިރުއެވެ.

Ad by Hajj Corporation

މުބާރާތުގެ އަންޑަރ 21 އެންމެ މޮޅުކުޅުންތެރިޔަކަށް ކަބާޓާން އެފްޓީގެ އިބްރާޙިމް ޒަޔާން ހޮވިފައިވާއިރު، މުބާރާތުގެ އެންމެ މޮޅުކުޅުންތެރިޔަކަށް ހޮވިފައިވަނީ މުޙައްމަދު ފާސިރުއެވެ. ފާސިރުވަނީ މުބާރާތުގެ އެންމެ ގިނަ ގޯލުޖެހި ކުޅުންތެރިޔާގެ މަޤާމްވެސް ހޯދާފައެވެ.

މުބާރާތުގެ އެންމެ މޮޅު ގޯލް ކީޕަރަކަށް ކަބާޓާން އެސްސީގެ ސިރްފާން މޫސާހޮވިފައިވާއިރު، އެންމެ މޮޅުކޯޗަކަށް ހޮވިފައިވަނީ ކަބަޓާން އެސްސީގެ ކޯޗު އާޒިމް މުޙައްމަދެވެ. މުބާރާތުގެ ފެއަރ ޕްލޭ ޓީމަކަށް ހޮވުނީ އޮރިޖިނަލްސް އެސްސީ އެވެ.

ރޭގެ މެޗަށްފަހު ކައުންސިލުގެ ފުޓްސަލް މުބާރާތާއި ހޭންޑްބޯލް މުބާރާތުގެ ނިންމުމުގެ ރަސްމިއްޔާތު ވަނީ ބާއްވާފައެވެ. ފުޓްސަލް މެޗާއި ނިންމުމުގެ ރަސްމިއްޔާތު ޝަރަފުވެރިކޮށްދެއްވީ ނ. މާޅެންދޫ ކައުންސިލުގެ ނައިބު ރައީސް ނާއިފް އަބްދުﷲ އެވެ.