"ނ. މާޅެންދޫ ކައުންސިލް ފުޓްސަލް އަދި ހޭންޑް ބޯލް ޗެލެންޖް 2025 ގައ ިއްޔެވެސް ފޯރިގަދަ ފުޓްސަލް ދެމެޗު ކުޅެވިގެންގޮސްފިއެވެ. މިގޮތުން ކަައުންސިލުގެ ފުޓްސަލް ޗެލެންޖް 2025 ގައި 8 ވަނަ މެޗާއި 9 ވަނަ މެޗް އިއްޔެ ކުޅެވިގެންދިޔައެވެ.

ފުރަތަމަ މެޗުގައި ބައްދަލްކުރީ އޮރިޖިނަލް އެސްސީ އަދި ކަބަޓާން އެސްސީއެވެ. މިމެޗު 9-2 އިން މެޗު ކާމިޔާބުކުރީ ކަބަޓާން އެސްސީ އެވެ. މިމެޗުގެ މޭން އޮފް ތަ މެޗް ގެ މަޤާމަށް ހޮވިފައިވަނީ ކަބަޓާން އެސްސީގެ މުޙައްމަދު ފަރުހާންއެވެ.

Ad by Hajj Corporation

މީގެ އިތުރުންފުޓްސަލް މުބާރާތުގެ 9 ވަނަ މެޗުގައި ބައްދަލުކުރީ ކަބަޓާން އެންޖީ އަދި ވިކްޓޮރީވައިޕާސްއެވެ. މިމެޗު ނިމިގެންގޮސްފައިވަނީ 2-2 އިން އެއްވަރުވެގެންނެވެ. މި މެޗުގެ މޭންއޮފްދަމެޗް ގެ މަޤާމަށް ހޮވިފައިވަނީ ވިކްޓޮރީ ވައިޕާސް ގެ މުޙައްމަދު ޝާމިންއެވެ.

މިމުބާރާތުގައި މިރޭ 20:30 ކުޅުމަށް ހަމަޖެހިފައިވަނީ މިމުބާރާތުގެ ގުރޫޕް ސްޓޭޖްގެ އެންމެ ފަހުމެޗެވެ. މިމެޗުގައި ބައްދަލް ކުރާނީ ކަބަޓާން އެސްސީ އާއި ކަބަޓާން އެފްޓީއެވެ.

މީގެ އިތުރުން ކައުންސިލު އިންތިޒާމުކުރާ "ނ. މާޅެންދޫ ކައުންސިލް ހޭންޑް ބޯލް ޗެލެންޖް 2025 " ގެ ފައިނަލުމެޗު މިއަދު ހަވީރު ކުޅެވޭނެއެވެ. ފައިނަލުމެޗުގައި ވާދަކުރާނީ މިމުބާރާޓުގެ ގްރޫޕް ސްޓޭޖުގައި އެއްވަނަ ހޯދާފައިވާ ކަމަނަ އަދި ދެވަނަ ޓީމު ޗެލެންޖާރސްއެވެ.

މީގެކުރިން ގްރޫޕްސްޓޭޖުގައި މިދެޓީމު ވާދަކުރި މެޗު 20-12 އިން ކާމިޔާބުކުރީ ކަމަނައެވެ.

ފައިނަލް މެޗު ކައުންސިލުގެ ޔޫޓިބް ޕޭޖުން ލައިވްކުރާނެއެވެ.