ޤާސިމް އިބްރާހީމްއަށް ނިޝާން ޢިއްޒުއްދީނުގެ ޢިއްޒަތުގެ ވެރިކަން ރަައީސުލް ޖުމްޙޫރިއްޔާ ޑރ. މޫހައްމަދު މުއިއްޒު އަރުވައިފި އެވެ.

ދިވެހި ދައުލަތުގެ އެންމެ މަތީ ލަގަބު ނިޝާން ޢިއްޒުއްދީނުގެ ޢިއްޒަތުގެ ވެރިކަން ޤާސިމް އިބްރާހިމަށް އަރުވާފައިވަނީ މިނިވަންދުވަހުގެ ހާއްސަ ޖްލަސާގައެވެ.

Ad by Hajj Corporation

ރައީސުލް ޖުމްހޫރިއްޔާ ޑރ. މުޙައްމަދު މުއިއްޒު، ޤާސިމް އިބްރާހީމަށް ނިޝާން ޢިއްޒުއްދީނުގެ ޢިއްޒަތުގެ ވެރިކަން އެރުވުމަށް ނިންމެވީ، އެމަނިކުފާނު ދިވެހި ރައްޔިތުންނަށާއި، ރާއްޖޭގެ އިޖުތިމާޢީ ދާއިރާއަށާއި، އިޤްތިޞާދީ ދާއިރާއަށާއި، ތަޢުލީމީ ދާއިރާއަށް ކުރައްވާފައިވާ އަގުހުރި ޚިދުމަތްތަކުގެ އަގު ވަޒަންކުރެއްވުމުގެ ގޮތުންނެވެ.

މީގެ ކުރިން އެމަނިކުﷲާނަށް ވަނީ ނިޝާން މުލީގެ ޝަރަފުގެ ޢިއްޒަތުގެ ވެރިޔާގެ ލަގަބު ވެސް ލިބިވަޑައިގެންފައެވެ.

އަރިއަތޮޅު މާމިގިލީ ބުރުމާ އިބްރާހީމާއި އަރިއަތޮޅު ދިއްދޫ ފުޅުމާގޭ ގަމަރުންނިސާ ކަނބުލައަށް ލެއްވަޑައިގެންނެވި ޤާސިމް އިބްރާހީމް ދުނިޔޭގެ އަލިކަން ދެކެވަޑައިގަތީ ނަވާރަސަތޭކަ ފަންސާސް ވަނަ އަހަރުގެ ފެބުރުވަރީ މަހުގެ ދިހަ ވަނަ ދުވަހު އަރިއަތޮޅު ދިއްދޫގައެވެ. ޤާސިމް އިބްރާހީމް އުމުރުފުޅުން ސާދަ އަހަރުގައި ކިޔަވާ ވިދާޅުވުމަށް މާލެއަށް ވަޑައިގެން ތަޢުލީމު އުނގެންނެވުމަށް ކުރެއްވި މަސައްކަތުން، ރާއްޖޭގައި އެ ދުވަސްވަރު ކިޔަވައިގެން ލިބޭ އެންމެ މަތީ ސަނަދު ކަމަށްވާ ސެކެޓްރީކަމުގެ ސަނަދު ހާސިލުކުރެވިއެވެ. ޤާސިމް އިބްރާހީމް އެންމެ ފުރަތަމަ ދައުލަތަށް ޚިދުމަތްކުރައްވަން ފެއްޓެވީ، ގަވަރމަންޓް ހޮސްޕިޓަލްގައި ކާތިބެއްގެ މަޤާމުގައެވެ. ހޮސްޕިޓަލްގެ ވަޒީފާ އަދާކުރައްވަމުން، ލިވަޑައިގަންނަވާ ހުސްވަގުތުތަކުގައި އާމްދަނީ ހޯއްދެވުމަށްޓަކައި ބުރަމަަސައްކަތްކުރެއްވިއެވެ. ..