ރާއްޖޭގެ މާކެޓުގައި ފިޔާގެ ދަތިކަން ކުރިމަތިވެފައިވާތީ، މާކެޓް ސްޓެބަލައިޒް ކުރުމަށް އެސްޓީއޯއިން ފިޔާ ޝިޕްމަންޓެއް ގެނައުމަށް ނިންމައިފިއެވެ.

އެސްޓީއޯގެ ފަރާތުން، މީޑިއާ އޮފިޝަލް، މިކަމާ ގުޅޭގޮތުން މެންދުރު ޓީވީއަށް މަޢުލޫމާތު ދެއްވަމުން ވިދާޅުވީ، މިވަގުތު މާކެޓުގައި ފިޔާގެ ޝޯޓޭޖެއް ކުރިމަތިވެފައިވާތީ، އަވަސް ފުރުސަތެއްގެ ތެރޭގައި ފިޔާ ޝިޕްމަންޓެއް ގެނައުމުގެ މަސައްކަތް ކުރަމުންދާ ކަމަށެވެ.

Ad by Hajj Corporation

މޫސުމާއި ގުޅިގެން ފިޔާލިބުންދަތިވެ، ބާޒާރުގައި ފިޔާގެ ދަތިކަން ކުރިމަތިވެފައިވާތީ ، އަގު އުފުލޭކަން އެސްޓީއޯއިން ފާހަގަކުރިއެވެ. އަދި މި ޝިޕްމަންޓް ގެނައުމުން އަގު ކޮންޓްރޯލްވާނެކަން ވެސް ފާހަގަކުރިއެވެ.

ނަމަވެސް މި ޝިޕްމަންޓް ރާއްޖެ އަންނާނެ ވަކި ތާރީޚެއް އަދި މުޅިން ޔަގީންނުޥާކަމަށާއި، އެނގުނުހާ އަވަހަކށް އާންމުކުރާނެކަމަށް އެސްޓީއޯއިން ބުންޏެވެ.

އެސްޓިއޯއިން ބުނީ، ފިޔާއަކީ ދިވެހިންގެ ކެއްކުމުގައި އެންމެ ގިނައިން ބޭނުންކުރާ އެއް ތަކެތީގެ ގޮތުގައި ހިމެނޭ އެއްޗަކަށް ވާއިރު، މޫސުމާއި ގުޅިގެން ފިޔާ ލިބުމުގެދަތިކަން ކުރިމަތިވެފައިވާތީ، އެނިންމުންނިންމިކަމަށެވެ.

ރައްޔިތުންނަށް އެކަށީގެންވާ އަގެއްގައި މުދާ ލިބޭނެ މަގު ތަނަވަސްކޮށްދިނުމަކީ އެސްޓީއޯގެ އަމާޒުތަކުގެ ތެރޭގައި ހިމެނޭ ކަމެއް ކަމުގައި އެ ކުންފުނިން ބުނެއެވެ.