ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ދަށުން ހިންގަމުންދާ ހުރިހާ ބޭސްފިހާރަތަކެއްގެ އިންވެންޓްރީ ބެލުމުގެ މަސައްކަތަށް، މިއަދުން ފެށިގެން ތިން ދުވަހުގެ މުއްދަތަށް އެ ފިހާރަތައް ބަންދުކުރުމަށް ނިންމައިފިއެވެ.

މި ނިންމުމަކީ އެސްޓީއޯއިން ހިންގަމުން އައި ބޭސްފިހާރަތައް، ސަރުކާރުން އަލަށް އުފެއްދެވި ބޭސް ކުންފުނި، "ސްޓޭޓް ފާމަސޫޓިކަލް އެންޑް މެޑިކަލް ސަޕްލައިސް ކޯޕަރޭޝަން ލިމިޓެޑް" (ސްޓޭޓް ފާމާ) ގެ ދަށަށް ބަދަލުކުރުމަށްޓަކައި ކުރަންޖެހޭ އިދާރީ މަސައްކަތްތަކުގެ ބައެކެވެ.

Ad by Hajj Corporation

އެސްޓީއޯ އިން ހާމަކޮށްފައިވާ ގޮތުގައި މި މަހުގެ 24، 25 އަދި 26 ވަނަ ދުވަހު ފާމަސީތަކުގައި ހުރި އިންވެންޓްރީ ކައުންޓު ކުރުމުގެ މަސައްކަތް ކުރިއަށްދާނެއެވެ. ބޭސްފިހާރަތައް ބަންދުކޮށްފައި ހުންނަ މި މުއްދަތުގައިވެސް، ކުއްލި ހާލަތްތަކުގައި ބޭސް ލިބޭނެ އިންތިޒާމުތައް ހަމަޖެހިފައިވާނެ ކަމަށް އެ ކުންފުނިން ކަށަވަރުކޮށްދެއެވެ.

އަންނަ ޖުލައި މަހުގެ 1 ވަނަ ދުވަހުން ފެށިގެން އެސްޓީއޯގެ ހުރިހާ ބޭސްފިހާރައެއް ރަސްމީކޮށް ސްޓޭޓް ފާމާގެ ދަށަށް ބަދަލުވާނެއެވެ. މި ބަދަލާއެކު، ރާއްޖެއަށް ބޭނުންވާ ބޭހާއި މެޑިކަލް ސާމާނު އެތެރެކޮށް ފޯރުކޮށްދިނުމުގެ އެންމެހާ ޒިންމާތައް އުފުލާނީ ސްޓޭޓް ފާމާއިންނެވެ.