ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ މުވައްޒަފުންގެ ދީނީ ހޭލުންތެރިކަން އިތުރުކުރުމުގެ މަޤްޞަދުގައި ރިސާލަތު ޕްރޮގުރާމްގެ ދަށުން ޚާއްޞަ ދަރުސެއް ކުރިއަށް ގެންގޮސްފިއެވެ.

އިސްލާމީ ކަންތައްތަކާބެހޭ ވުޒާރާއިން ކުރިއަށް ގެންދާ ރިސާލަތު ޕްރޮގުރާމަކީ، ދިވެހިންގެ މެދުގައި ދީނީ ހޭލުންތެރިކަން އިތުރުކުރުމަށް ޚާއްޞަ އަހައްމިއްޔަތުކަމެއް ދީގެން ރޭވިގެން ހިންގޭ މުހިންމު ޕްރޮގުރާމެކެވެ.

މި ދަރުސް ނަންގަވައިދެއްވާފައިވަނީ އިސްލާމީ ކަންތައްތަކާބެހޭ ވުޒާރާގެ ވާއިޡް އައްޝައިޚް ޢާޒިމް ޚާލިދު އެވެ. މި ދަރުހުގައި ސްޓެލްކޯގެ ގިނަ އަދަދެއްގެ މުވައްޒަފުން ބައިވެރިވެ ވަޑައިގެންނެވިއެވެ.

މި ފަދަ ޕްރޮގުރާމްތައް ސަރުކާރުގެ އެކި މުއައްސަސާތަކުގައި ކުރިއަށް ގެންދިއުމަކީ މުވައްޒަފުންގެ އަޚްލާޤީ އަދި ރޫޙާނީ ދުޅަހެޔޮކަން އިތުރުކުރުމަށް މުހިންމު ކަމެއްގެ ގޮތުގައި މިނިސްޓްރީއިން ފާހަގަކުރެއެވެ.