ޅ. ނައިފަރުން ގެއްލިގެން ހޯދަމުން ދިޔަ ކުއްޖާ ފެނިއްޖެއެވެ.

ގެއްލިގެން ހޯދަމުންދިޔައީ އުމުރުން 15 އަހަރުގެ ޚަދީޖަތު މައިސަރާ އަބޫބަކުރު ފައިސަލް، ޅ. ނައިފަރު/ސީނިޔާގެ އެވެ.

Ad by Hajj Corporation

ފުލުހުން މިރޭ ބުނިގޮތުގައި މައިސަރާ ވަނީ މިހާރު ފެނިފައެވެ. އެ ކުއްޖާ ފެނިފައި ވަނީ އެރަށުގެ މަގުމަތިންނެވެ.

''ޚަދީޖަތު މައިސަރާ އަބޫބަކުރު ފައިސަލް ނައިފަރު މަގުމަތިން މިރޭގެ ވަގުތެއްގައި ވަނީ ފެނިފައި. ކުއްޖާގެ ހާލު ރަނގަޅު.'' ފުލުހުން ބުންޏެވެ.

މައިސަރާގެ އާއިލާއަށް އޭނާގެ ޚަބަރެއްނުވެ ގެއްލިފައިވާ ކަމަށް ރިޕޯޓުކުރުމާ ގުޅިގެން އެ ކުއްޖާ ހޯދުމުގެ މަސައްކަތް ކުރަމުން އަންނަކަމަށް ފުލުހުން ހާމަކުރީ މިއަދު މެންދުރު 13:22 ހާއިރުއެވެ.

އާއިލާއާ ހަވާލާދީ ފުލުހުން ބުނެފައި ވަނީ އެ ކުއްޖާ ނައިފަރުގައި ދިރިއުޅޭ ގެއިން ނުކުމެގެން ގޮސްފައިވަނީ މިދިޔަ ހޮނިހިރު ދުވަހުގެ 10:25 އެހައިކަންހާއިރު ކަމަށެވެ.

މައިސަރާ ގެއްލުމާއި ގުޅޭ މައްސަލަ ބަލަމުން އަންނަކަމެއް ނުވަތަ ނޫންކަމެއް ފުލުހުން ހާމަކޮށްފައެއްނުވެއެވެ.

މިއީ 2023 ވަނަ އަހަރުގެ އޮކްޓޫބަރު މަހު ވެސް ގެއްލިގެން ހޯދަން އިއުލާނުކުރި ކުއްޖެކެވެ.