ބާސެލޯނާގެ ކެޕްޓަން މާކް-އަންދްރޭ ޓަރ ސްޓެގެން ކުލަބާއި މުވާސަލާތީ ގުޅުން ކަނޑާލައި، ކުލަބުން ގުޅަން މަސައްކަތް ކުރި ނަމަވެސް އެއްވެސް އިޖާބައެއް ނުދީ ހުރިކަމަށް މުންދޯ ޑިޕޯޓިވޯއިން ރިޕޯޓުކޮށްފިއެވެ.

އޭޝިއާ ދަތުރުން އެނބުރި އައުމަށްފަހު ބާސެލޯނާއިން ސްޓެގެންއާ ބައްދަލުކުރަން ރާވާފައިވީ ނަމަވެސް، އޭނާ އެ ބައްދަލުވުމަށް ހާޒިރުނުވެ، ކުލަބުން ގުޅި ފަހަރުތަކުގައިވެސް ފޯނު ނުނަގާ ހުރިކަމަށް މަޢުލޫމާތު ލިބިފައިވެއެވެ. މިކަން މިހެން ދިމާވެފައިވަނީ އޭނާގެ އޮޕަރޭޝަނަށްފަހުގެ މެޑިކަލް ރިޕޯޓުގައި ސޮއިކުރަން އިންކާރުކުރުމަށްފަހުގައެވެ.

Ad by Hajj Corporation

ސްޓެގެންގެ ލިޔުމުން ދޭ ހުއްދައެއް ނެތި، ބާސެލޯނާއަށް އޭނާގެ އިންޖަރީ ދިގު މުއްދަތުގެ އިންޖަރީއެއްގެ ގޮތުގައި ކްލެސިފައިކުރެވޭނެ ގޮތެއް ނެތެވެ. އެހެންކަމުން އޭނާގެ މުސާރައިގެ 80 އިންސައްތަ ފެއަރ ޕްލޭ ގަވާއިދުގެ ދަށުން ދޫކޮށްލެވި، ޖުއާން ގާސިއާ، މާކަސް ރޭޝްފޯޑް އަދި ރޫނީ ބާޑްގްޖީ ފަދަ އައު ސޮއިންތައް ރަޖިސްޓްރީ ކުރުމަށް ދަތިތަކާ ކުރިމަތިވެފައިވެއެވެ.

Stegen Medical report hissakuran dhekolhuhedhumaaeku Barca ge kulhuntherin registry kurumugai ithuru hurasthakeh | Mendhuru TvTikTokYouTubeInstagramXFacebook

މި ހާލަތުގައި ބާސެލޯނާއިން ވަނީ ސްޓެގެންގެ މައްޗަށް ރަސްމީ ޑިސިޕްލިނަރީ ފިޔަވަޅު އެޅުމުގެ މަރުހަލާ ފަށާފައެވެ. މިއީ ލަލީގާގެ ތާރީހުގައި މިފަދަ ކަމެއް ހިނގާފައިވާ ފުރަތަމަ ފަހަރެވެ. ބޯޑުން ފާސްކޮށްފިނަމަ، އޭނާއަށް އިތުރު އަދަބުތަކާ ކުރިމަތިލާން ޖެހިދާނެއެވެ.

ކުލަބުގެ އެތެރޭގެ މަޢުލޫމާތު ދޭ ފަރާތްތަކުން ބުނާ ގޮތުގައި، ޓީމުގެ އެއްބައިވަންތަކަމާއި ޕްރޮފެޝަނަލިޒަމްއާ ހިލާފުވުމުގެ ސަބަބުން ސްޓެގެންގެ ކެޕްޓަންބޭޏްޑް އަތުލަން ނިންމާފައިވާކަމަށް މީގެކުރިން ވަނީ ރިޕޯޓްތައް ލިބިފައެވެ. ނަމަވެސް ޓީމުތެރޭގައި ގިނަ ކުޅުންތެރިން ސްޓެގެން ކެޕްޓަންކަމުގައި ދެމިހުންނަން ތާއީދުކުރާކަން ފާހަގަކުރެވެއެވެ.

މީގެއިތުރުން ސްޕެއިންގެ ފުޓްބޯޅަ ލީގު، ލަ ލީގާއިން ބާސެލޯނާގެ ގޯލްކީޕަރު މާކް-އަންދްރޭ ޓަރ ސްޓެގެންގެ ހުއްދައެއް ނެތި، ކްލަބުން ހުށަހަޅާ އެއްވެސް މެޑިކަލް ރިޕޯޓެއް ބަލައިނުގަތުމަށް ނިންމައިފައިވާކަމަށްވެސް ހަބަރުތައް ލިބެއެވެ.

Stegen aa gulhey Barca ge medical report thah balainugathumah laliga in nimmaifi | Mendhuru TvTikTokYouTubeInstagramXFacebook

މި މައްސަލަ ފެށުނުކަމަށް ގިނަބަޔަކު ޤަބޫލުކުރަނީ ބުރަކަށީގެ އޮޕަރޭޝަނަށްފަހު ސްޓެގެން އަމިއްލައަށް ރިކަވަރީ މުއްދަތަކީ ތިން މަސް ކަމަށް ބުނުމުންނެވެ. ނަމަވެސް އިތުބާރުހުރި މަސްދަރުތަކުން ބުނާގޮތުން މިމައްސަލަ ފެށުނު ހިސާބަކީ ސްޓެގެންއަށް މިދިޔަ ސީޒަނުގެ ލަލީގާގެ އެންމެ ފަހު މެޗުގައި ފުރަތަމަ 11 ގައި ނުހިމެނުމެވެ. މިމެޗުގެ ފުރަތަމަ 11 ގައި ސްޓެގެން ނުހިމެނުމާއެކު އޭނާއަށް ވަނީ އެގްރީމަންޓްގައިވާ 3.5 މިލިޔަން ޔޫރޯގެ ބޯނަސްގެއްލިފައެވެ. ސްޓެގެން ޤަބޫލުކުރަނީ ބާސައިން ގަސްތުގައި ސްޓެގެން އަށް ބޯނަސް ނުދޭން ކުރިކަމެއްގެ ގޮތުގައެވެ.

ނަމަވެސް ކުލަބުގެ މެޑިކަލް ޓީމުން ލަފާދީފައިވަނީ ރިހެބިލިޓޭޝަނަށް ހަތަރު ނުވަތަ ފަސް މަސްދުވަސް ނަގާނެ ކަމަށެވެ.