'ޝައިން ބްރައިޓް' އަކީ މިހާތަނަށް އެއްވެސް ވިޔަފާރިއެއް ކުރި ކުންފުންޏެއްނޫން

7 އޯގަސްޓު 2025 - 09:15
.webp&w=3840&q=75)
ޝައިން ބްރައިޓް ޕްރައިވެޓް ލިމިޓެޑަކީ މިހާތަނަށް އެއްވެސް ވިޔަފާރިއެއް ހިންގާފައިވާ ކުންފުންޏެއްނޫންކަން އިނގިއްޖެއެވެ.
މޯލްޑިވްސް ހައްޖު ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލާއި މެނޭޖްމަންޓް ޓީމުގެ އިތުރު ތިން މީހަކު ގުޅިގެން ޝައިން ބްރައިޓް ޕްރައިވެޓް ލިމިޓެޑް ކިޔާ ވިޔަފާރިއެއް ހިންގާކަމަށް މިއަދު ނޫހަކުން ވަނީ ރިޕޯޓްކޮށްފައެވެ.

Ad by Hajj Corporation
އެކަމާއި ގުޅިގެން މި ނޫހުން ސުވާލުކުރުމުން އެ ކުންފުނީގެ ވެރިޔަކު ވިދާޅުވީ، އެއީ މިހާތަނަށް އެއްވެސް ވިޔަފާރިއެއްކުރި ކުންފުންޏެއްނޫންކަމަށެވެ.
''އަޅުގަނޑުމެންނަކީ އެކުވެރިން، އެކުވެރިކަމުގެ ތެރެއިން ވިޔަފާރިކުރުމުގެ ވިސްނުމުގައި ހަދާފައި އޮތް ކުންފުންޏެއް އެޔަކީ، އެ ކުންފުނި ހަދާފައި އޮތްނަމަވެސް އަދި އެއްވެސް ވިޔަފާރިއެއް ފަށާފައެއްނުވާނެ، އެއްވެސް އިންކަމެއް ވެސް ކުންފުންޏަށް ލިބިފައި ވެސް ނުވާނެ'' އޭނާ ވިދާޅުވިއެވެ.