މުޅި ދުނިޔޭގައި ވެސް މިހާރު އެންމެ ބާރަށް ދެކެވެމުންދާ އަދި ބަޔަކު އެކަަމަށް ނިމުމެއް އެދޭ އެންމެ ބޮޑު އެއް ގަތުލުއާއްމަކީ އިޒްރޭލުން ޣައްޒާގައި މިހާރު ހިންގަމުންދާ ގަތުލު އާއްމުތަކެވެ. އަމިއްލަ އަށް ދިފާއުވުމުގެ ހައްގު ގެނަމުގައި ބިމެއް ހިސާރުކޮށް އެބިމުގެ ވަޒަންވެރިން އެބިމުން ބޭރުކޮށް ނަސްލެއް ނައްތާލުމަށް ފާޅުކަން ބޮޑުގޮތެއްގައި އާރާއި ބާރާއި ނާޖާއިޒް މަންފާ ފާޅުގައި ހާސިލްކޮށް އެކަމުގައި ބަޔަކު މިއަދު މިވަނީ އަަވަދިނެތި މަސްއޫލުވެފައެވެ. ދުނިޔޭގެ ބޮޑެތި ބާރުތަކާއި އިންސާނީ ކަރާމާތްތަކާއި ހައްގުތައް ކަށަވަރުކޮށްދޭ ޖަމުިއިއްތާ ޖަމާއަތްތަކަށް މިކަން ހުއްޓުވުމުގެ އާރެއް ބާރެއް ލިބިފައެއްނުވެއެވެ.

އެކި އެކި ނަމުގައި އެކި އެކި ފަހަރުމަތިން ބޮޑެތި ގަތުލުއާއްމުތައް ހިންގަމުންދާއިރުވެސް އެކަން ހުއްޓުވުމަށް މުޅި ދުނިޔެ މިވަނީ ނުކުޅެދިފައެވެ. ފެންނަ މަންޒަރުތަކާއި އިވޭ އަޑުތަކުން ހިތާއި ހަށިން ފުރާނަވަކިވެގެންދާހާ ހިތްތަދިކަން ލިއްބައިދެއެވެ. އަޅުގަނޑުމެންެ ކޮންމެ މީހެއްގެ ވެސް އަމިއްލަ ހަށިން އަޅާ ވޭނެއްހެން ތަހައްމަލްކުރެވި އިހްސާސްކުރެވެއެވެ. ޣައްޒާގެ ރައްޔިތުންގެ ފަރާތުން ފެނިގެންދާ ލާމަސީލު ނަމުނާާ އާއި ކެތްތެރިކަމާއި ހިތްވަރުގަދަކަމާއި އީމާންތެރިކަމަކަމީ އެކަމުގެ ވާހަކަ ދުލާއި ގަލަމުން ބަޔާން ކުރެވޭނެ ވަރަށް ވުރެ އަގުުހުރި އަދި އިބްރަތްތެރި ހިކުމަތްތަކެވެ.

ދުނިޔެމަތީގައި އިންސާނަކަށް ނުހައްގުން ލިބޭނެ އެންމެ ބޮޑު އެއް ނާއިންސާފަކީ އަމިއްލަ ބިމުން ނެރެ، ގެދޮރުތައް ފޭރި، އާއިލާ ޝަހީދުވެ އުމުރަށް މިންޖުވުމެއްނެތް ޖަލެއްގައި ތާށިވާން ޖެހުމެވެ. އިޒްރޭލުން ޣައްޒާގައި ވަޒަންވެރިވުމަށްފަހު ހިންގަމުން އަންނަ ލާއިންސާނީ ޢަމަލުތަކެއް ހައްދެއް ހުދޫދެއް ނެތެވެ. އަސްލެއް އަދި އަސާސެއް ނެތެވެ. އެކި އެކި ނަންނަމުގައި އެކި ފަހަރުމަތިން އިޒްރޭލުން ވަނީ ޣައްޒާގެ ރައްޔިތުން ޝަހީދުކޮށް އަދި ރަހީނުކޮށްފައެވެ، އިޒްރޭލުގެ ޖަލުތަކުގައި ހަމައެކަނި ތިބީ ޣައްޒާގެ ރައްޔިތުންނޭ ބުންޏަސް ދޮގަކަށް ނުވާނެއެވެ. ޓެރަރިޒަމް އާއި ދެކޮޅަށް ކުރާ ހަނގުރާމައަކޭ ބުނެ ނަސްލެއް މިއަދު މިދަނީ އަޅުގަނޑުމެންގެ ކުރިމަތީގައި ނައްތާލަމުންނެވެ. ހިތާއި ހަށިން ލޯބިވާ ނަފްސުތަކުގެ ގަބުރުތައް ކޮންނާނެ ކައިވަތެއްހާ މިންވަރުވެސް އެރައްޔިތުންނަށް ލިބިގެންނުވެއެވެ،

ނަމަވެސް ޣައްޒާގެ ރައްޔިތުންގެ ފަރާތުުން ފެނިގެން ދަނީ މުޅިންެވެސް ތަފާތު މަންޒަރެކެވެ. އަބަދުވެސް ހެއްދެވި އިލާހަށް ޝުކުރުކޮށް ހަމްދުކޮށް ސަނާ ކިޔާ މަންޒަރެވެ. ދުނިޔޭގެ އަރާމާއި ލައްޒަތަށްވުރެ އާޙިރަތަށްޓަކައި މުސްލިމުންތަކެއް ކުރާ އުއްމީދެވެ. މިއަދު މުޅި މި އިސްލާމީ އުއްމަތުގެ އެންމެ ބޮޑު އެއް ރަމްޒަކީ ޤައްޒާގެ ހިތްވަރުގަދަ މުސްލިމުންނާއި މުޖާހިދުންނެވެ. މަރަަށް ބިރެއް ނެތި މިނިވަންކަމާއި އަމާންކަމާއި ދީނުގެ ސިޔާދަތު ދެމެހެއްޓުމަށްޓަކައި މޭ އައްޑަނައަކަށް ދިއްކޮށްގެން ނިކުމެ ކާފަރުންނާއި ހަނގުރާމަކުރާތަނެވެ. ރުޙާނީ ގޮތުން ކުރިއަރައިފި ނަފްސެއް އަލިފާނުންވެސް ނުފިހެވޭނެއޭ ބުނެއުޅެއެވެ.

ޔަހޫދީންގެ އަދަދު ގިނަވެފައި ހަތިޔާރު ބޯކޮށް ހުއްޓަސް މި ހަނގުރާމައިގެ އަސްލު ބަތަލުންނަކީ ޣައްޒާގެ ރައްޔިތުންނެވެ. ވަކި އުމުރެއް ވަކި ޖިންސެއް ވަކި ފަރުދެއް މިކަމުގައި އިސްތިސްނާކުރެވޭކަށް ނެތެވެ. ހަތިޔާރުތަކުގެ ކުރިމަތީ ފަހެެއް ނުޖެހި ކެރިގެން ދީނުގެ ހައްގުތައް އަދާކުރުމުގައި ޤައްޒާގެ ކުދިބޮޑު އެންމެހާ ރައްޔިތުންނެއް ވަނީ މުޅި އިސްލާމީ އުއްމަތަށް ނަމޫނާ ދައްކާފައެވެ. މާތްﷲ އެބަޔަކަށް ހިދާޔަތް ދެއްވަވައިފި ބަޔަކީ ދުނިޔެ އަޅައި ކަތިމަގުން ވިއްސި ވިހާލިވެގެން ދާނެ ބަައެއް ނޫނެވެ. ޣައްޒާގައި ކޮންމެ ނަފްސެއް ވެސް ޖިހާދުކިުރެއެވެ. އެ ޖިހާދަކީ ހަނގުރާމައިގެ މައިދާނެއްގައި ތިބެގެން ކުރާ ޖިހާދެއް އެކަނި ނޫނެވެ. ލާކޮންމެ ނޭވާއެއް ހޭދަ ކުރަން ޖެހެނީ ބިރުވެރިކަމުގެ ތެރޭގައެވެ. ކާބޯތަކެތި ނެތަސް ވަންނާނެ ހިޔަލެެއް ނެތަސް އަދި އާއިލާ އާއި ދަރިންނާއި ރައްޓެހިންގެ ގުނަވަންތައް ވަކިވެގެން ދާތަން ފެނުނަސް އެބައިމީހުންނަحَسْبُنَا اللَّهُ وَ نِعْمَ الْوَ كِيلُ މިކަލިމައިން ފުދެއެވެ.

سُبْحَانَ ٱللَّٰ. ޤައްޒާގެ ރައްޔިތުންވަނީ މިއަދު މި އިސްލާމީ އުއްމަތުގެ ފިނޑިކަމާއި، ނުކުޅެދުންތެރިކަމާއި، މުނާފިގް ކަން މުޅި ދުނިޔެެއަށް ހާމަކޮށްދީފައެވެ. މާތްﷲ ފިޔަވައި ވާގިވެރިވެވޭނެ އަދި ވާގިއަށް އެދޭނެ އެހެން ބާރެއް އަދި އިލާހެއް އަދި އެހެން ފަރާތެއްނުވާކަން ސާބިތުކޮށްދީފައެވެ. ސުންނާފަތިކޮށް ހަފުސްކޮށްލިޔަސް ދިނާއި ދީނުގެ އަސާސްތަކާއި ދީނުގެ މަގުގައި އެންމެ ފުރިހަމައަށް ކޮންމެ މީހަކަށް ވެސް ދެމިހުންނަން ބޭނުންވެއްޖިއްޔާ ދެމިތިބެވޭނެކަންވެސް ބަހާއި އަމަލުން ދައްކަދީފައެވެ. ކާފިރުންގެ ކުރިމަތީގައި މުއުމިނުންގެ ދަރަޖަ މަތިކޮށްދީފައެވެ.

ޣައްޒާގެ ރައްޔިތުންނަކީ މުސްލިމް އުއްމަތުގެ ދިރުމާއި ވިންދެވެ. ޣައްޒާގެ މުޖާހިދުންނަކީ ޙާލިދް ބުން ވަލީދް ފަދަ މާތް ބޭފުޅުންގެ ޝަޙްސިއްޔަތުގެ ރަމްޒެވެ.