މެންޗެސްޓަރ ސިޓީގެ ގޯލްކީޕަރު އެޑަރސަން ގަލަޓަސަރޭއަށް ބަދަލުވުމުގެ މަގުމަތީގައި ވަނިކޮށް، ޕެރިސް ސެއިންޓް-ޖަރމަން (ޕީއެސްޖީ)ގެ ގޯލްކީޕަރު ޖިއަންލުއިޖި ޑޮނަރުމާ ގެނައުމަށް ސިޓީން މަސައްކަތް ފަށައިފިއެވެ.

ތުރުކިޔޭގެ ގަލަޓަސަރޭއިން އެޑަރސަންއާއެކު 2028 ވަނަ އަހަރާ ހަމައަށް އެއްބަސްވުމަކަށް އާދެވިފައިވެއެވެ. އެ އެއްބަސްވުމުގެ ދަށުން އެޑަރސަންއަށް އަހަރަކު 8 މިލިއަން ޔޫރޯ ލިބޭނެއެވެ. ނަމަވެސް އެދަސަންގެ ސޮއި ހޯދުމަސް ގަލަޓަސަރޭއިން ހުށަހެޅި 3 މިލިއަން ޔޫރޯގެ އަގު ސިޓީއިން ވަނީ ބަލައިނުގަނެ ދޫކޮށްލާފައެވެ. ސިޓީއިން ޑިމާންޑްކުރަނީ 10 މިލިޔަމް ޔޫރޯއެވެ.

މީގެ އިތުރުން 2026 ވަނަ އަހަރާ ހަމައަށް ޕީއެސްޖީއާއެކު އެއްބަސްވުމެއްގައި ހުރި ޑޮނަރުމާ ވަނީ ޕީއެސްޖީއާއެކު އެއްބަސްވުން އައުކުރުމަށް އިންކާރުކޮށްފައެވެ. މިއާއެކު ޕީއެސްޖީއިން ވަނީ ލިލްގެ ގޯލްކީޕަރު ލޫކަސް ޝެވަލިއޭގެ ސޮއި ހޯދާފައެވެ. އަދި މިއާއެކު ޑޮނަރުމާ ވަނީ މިހަފްތާ ބަންދުގައި ކުޅޭ ޔުއެފާ ސުޮަކަޕްގެ ސްކޮޑުން ބޭރުކޮށްފައެވެ. މިއާއެކު ޑޮނަރުމާ މި ޖޫންމަހުގައި ކުލަބު ދޫކޮށްލާނެކަން ގާތްގަނޑަކަށް ވަނީ ޔަޤީންވެފައެވެ.

ސިޓީގެ އިތުރުން ޑޮނަރުމާގެ ސޮއި ހޯދުމަށް ޔުނައިޓެޑުންވެސް ޝައުޤުވެރިވެއެވެ.