މޫނަށް ރުލެއް އަރުވާނުލާ ޔާމީން ހައްދަނީ އިތުރުފުޅުކަން ރައްޔިތުންނަށް އެނގޭކަމަށް ރައްޔިތުން މަޖިލީހުގެ ބާރަށު ދާއިރާގެ މެމްބަރު އިބްރާހިމް ޝުޖާއު ވިދާޅުވެއްޖެއެވެ.

ޝުޖާޢު މިފަދައިން ވިދާޅުވީ، ''އަދަދު'' އޮންލައިން ނޫހަށް ޔާމީން ދެއްވި ބަސްދީގަތުމެއްގައި ދެެއްކެވި ވާހަކަތަކަށް އިޝާރާތް ކުރަށްވައި އެކްސްގައި ކުރެއްވި ޕޯސްޓެއްގައެވެ.

Ad by Hajj Corporation

''މޫނަށް ރުލެއް އަރުވާނުލާ ތިޔަ ދައްކަވަމުންގެންދާ ވާހަކަފުޅު ހުދު ފިޔާޒުވެސް ގަބޫލު ނުކުރައްވާނެ. ބާރު މުށުތެރެއަށް ލައްވައި، ވެރިކަންކުރަން ލިބިވަޑައިގެންނެވި ވެރިއެއް މަނިކުފާނަކީ، ދެން ދިވެހި ރައްޔިތުން ޓީވީ ދަށުގައި ތިއްބަވާއިރު ތިޔަ ހައްދަވަމުން ގެންދަވަނީ އިތުރުފުޅުކަން ރާއްޖޭގެ ރައްޔިތުންނަށް ސާފުކޮށް އެނގޭ!'' ޝުޖާޢު ވިދާޅުވެފަވެއެވެ.

ޝުޖާޢު ވިދާޅުވީ، ރައީސް ޑރ.މުޢިއްޒު ޔަޤީނުންވެސް އެއްވެސް ރައްޔިތަކަށް އަނިޔާވެރިއެއް ނުވާނެ ކަމަށެވެ.

''ރައީސް މުޢިއްޒު އެއްވެސް ރައްޔިތަކަށް އަނިޔާވެރިއެއް ނުވާނެ، ރައްޔިތުންގެ ފައިސާއަށް ހިޔާނާތްތެރިއެއް ނުވާނެ. އިޚްލާސްތެރިކަމާއި ތެދުވެރިކަމާއެކު ރައްޔިތުންނަށް ހެޔޮވެރިކަމެއް ކޮށްދެއްވާނެ.އެއްވެސް ކޯޓެއްގެ ފުރާޅަކާ ނުކުޅޭނެ.'' ޝުޖާއު ވިދާޅުވެފަވެއެވެ.